XIX. — 18 septembre

Engagement pris par Jean Dubois, bourgeois de Rouen, délivré des prisons du château où il était enfermé, sous la caution d’une somme de 400 écus d’or, que promettent de payer pour Lui sa femme et deux de ses amis. (Reg. du tabellionage de Rouen, 1421-1422, fol. 194 vw°.)

Jeudy xviüj® jour de septembre mil iïij® xxi....... PE Jehan Du Bois, de Saint Denis de Rouen, a present detenu prisonnier es prisons du Roy nostre souverain seigneur en son chastel de ladicte ville, se submist et obliga tenir, enterigner et acomplir sans enfraindre telle prison qui par nos tres redoubtez seigneurs nosseigneurs du Grant Conseil audit lieu de Rouen luy sera bailliée et ordonnée en icelle ville de Rouen et estre et comparoïir personnelment a toutes les journées qui lui seront bailliez et assioneez et respondre a tout ce dont le procureur du Roy nostre dit seigneur le vouldroït poursuir et accuser sur le fait de son emprisonnement, les cireunstances et deppendences d’icellui. Et si promist oultre ledit Du Bois

que contre ne ou préjudice du Roy nostredit seigneur et ses gens et officiers ne de ses aliez ne soustendra ne maintendra, favorisera ne ne fera favoriser par parolles, escriptures ne autrement aucunne quelconque personne en quelque maniere que ce soit ou puist estre, maïs tousjours se tendra homme luige et subgect du Roy nostre souverain seigneur comme autresfois en a fait le serment sur l’obligacion de tous ses biens meubles et heritages et son corps a mectre et tenir en prison fermée. Presens ad ce Jaquecte, femme dudit Du Bois, auctorisée ete, Jehan Millart, advocat en court laye, demourant en la parroïsse Saint Jehan sur Renelle de Rouen, et Jaquet Daniel, filx et heritier de feu Jehan Danyel, demourant en la parroisse Saint Denis de ladicte ville, lesquieulx, ensembles et chascun pour le tout, de leurs bonnes volentez, sans contrainte, plegerent le dessus dit Du Bois de faire, tenir et acomplir sans enfraindre tout ce que dessus est dit et chasceun a partie, en et sur paine de quatre cens escus d’or, laquelle some, en cas que ledit Du Bois seroit deffaillant de tenir et acomplir les choses dessusdictes et chaseune d'’icelles, lesdis pleges, et chascun d’eulx pour le tout, promist rendre et payer au Roy nostredit seigneur sur l’obligacion de leurs biens, sauf que se lesdiz pleges, ou l’un d’eulx, rendent et restablissent ledit Du Boïs au conseil du Roy nostredit seigneur estant audit lieu de Rouen, ilz demourront quictes et deschargiez de leur diete plegerie, jurerent etc.

Ledit Du Bois et sadicte femme auctorisée ete., chascun pour le tout, promistrent garantir, acquicter, delivrer et deffendre lesdiz Milart, Daniel et chaseun d’eulx de tous les coustz ete., à cause de ladicte plegerie, obligent chascun pour le tout corps et biens ete,