XXXII. — Echiquier de la Saint-Michel

Arrêt de l’Echiquier au sujet d’un vol de chevaux qui avait été commis par des Anglais dans l’hôtel de Thomas

Olivier, deux jours après la reddition de la ville de

Rouen. (Arch. de la Seine-Inférieure, série B ; reg. de l’Echiquier de 1424, fol. 41 recto.)

Thomas Olivier porteur de doleance d’une part;

Martin Mordant actourné messire Jehan Deux en vault, prestre, Guillaume le Machon, Pierres Lyvart et Pierres Savoye, conjointz, d’autre.

Le xüij° jour de novembre (1), Pierres Dupuis, de Thomas Olivier et sa femme, fist lire une supplique tendant affin d’estre relevé de l’amende du procés d’entre eulx; et estoit leur cas principal que, ij jours aprez le rendue de la ville de Rouen, lesdiz messire Jehan, Machon, Livart

(1) I’Echiquier de la Saint-Michel 1424 siégea du 13 octobre au 24 novembre.

et Savoie estoient venus a Rouen, et pour ce qu'ilz ne povoient trouver logiz pour la multiplicacion des gens d'armes lors illec, ils mistrent leurs chevaulx en l’ostel ou demouroient lesdiz Olivier et sa femme, ieeulx Olivier et sa femme absens et hors dudit hostel. Et pendant ce que ladiete femme estoit allée pourcacher vivres pour ses enffans, dont l’en ne povoit lors recouvrer, et ainchoiz que ledit Olivier ne icelle femme retournassent, estoient venus oudit hostel Englois qui de fait prindrent lesdiz chevaulx... desquielx demande avoit esté faicte ausdiz mariés par les dessusdis. Et tant avoit esté procédé que eu demené de la matiere, ils avoient prins doleance sortissant en eschiquier. Et sont a accorder que les dessusdis quictent lesdis mariés de principal et despens pour les mettre hors de court, requerans lesdiz Olivier et sa femme estre relevée d'’icelle amende, veu le cas que il obéissoit affermer estre ainsi advenu. Sur quoy fu dit que ledit Dupuis actourné etc., feroit amende de ladicte doleance et la court auroit sur ce regart; laquelle amende il fist presentement, requerant comme dessus.