XXXIII. — 26 octobre

Appointement entre la ville et Les tapissiers de Rouen au

- sujet de l’occupation de la halle aux coutes et tapis, pendant neuf ans, au prix de 18 livres tournois par an. (Arch. mun. de Rouen, tir. 14, dossier 15. Original et Vidimus de Roger Mustel, vicomte de l’eau de Rouen, du 7 août 1425.)

A tous ceulx qui ces lettres verront ou orront Robin Mustel, lieutenant general de Rogier Mustel, viconte de l’eaue de Rouen, salut. Comme procés fust pieça meu et

pendent en l’extraordinaire du baïlliage de Rouen entre le procureur general de la ville de Rouen, d’une part, et ceulx qui se meslent des mestiers et marchandise de coutes et de tappis en ladicte ville d’autre part, sur une justice ou execucion requise par ledit procureur sur les marchans et ouvriers d’iceulx mestiers pour les arrierages deubz a cause de vingt livres tournois de rente par an, a quoy ledit procureur disoit et maintenoïit iceulx marchans et ouvriers et leurs predecesseurs et successeurs esdiz mestiers et marchandise estre subgiez, submis et. obligiez par indivis et chascun pour le tout pour le fait et occupacion de la halle nommée la halle aux coutes et tappis seant à la Vieux tour, a laquelle halle aller, estaller, exposer et vendre leurs derrées et marchandises aux jours acoustumez ilz ont esté, sont et doivent estre subgiez et abstrains, et mesmement de paier a ladicte ville icelle rente par chaseun an, et que de ce icelle ville avoit esté en bonne saisine et possession par tel et si longtemps qu’il n’est memore du contraire, jusques a ce que a l’encontre de ladicte execucion ou justice iceulx ouvriers et matchans requistrent delivrance, a quoy ilz furent receuz, «t sur ce se fourma ledit procés pour ce qu'’ilz disoient et voulloient maintenir et soustenir que oncques eulx ne leurs predecesseurs n’avoient esté ne n’estoïient obligiez a ladicte ville hereditaument ne par indivis a cause de ladicte halle et que ee qu'’ilz en avoient payé le temps passé et memesment s’aueunement y estoient obligiez, ce n’avoit esté sinon a tiltre de louage a certain temps, et supposé que plus estroitement ou autrement y fussent obligiez, si disoient ilz que assez pou au devant du commencement dudit procés les bourgois, conseilliers et autres officiers de ladicte ville qui lors estoient avoient de leur volenté et auctorité, sans appeller lesdiz ouvriers et marchans et sans leur faire quelque deffalcacion ou rabaiz d’iceulx

xx livres tournois, desediffié et descouvert et de fait appliquié a l’usage commun d'’icelle ville une porcion de ladicte halle aux coutilz, que iceulx ouvriers et marchans estiment a environ la moictié d'’icelle halle aux coutilz, et illec ediffié une porte et ouverture pour entrer en la halle aux draps joignant d’illec et siet icelle porcion ainsi prinze d’un costé a la halle aux fillacheres où l’en tient de present la cohue du Roy, d’autre costé au baiïsle de ladicte Vieux tour et au bout du demourant d’icelle halle aux coutilz, d’un bout a la halle aux chavetiers et d’autre bout a l’entrée de ladicte halle aux draps, et contient icelle porcion xiij piez de lé et xxvi piez de long ; a l’occasion duquel desediffiement et de ce que par iceulx conseilliers et officiers qui lors et depuis ont esté aucune deffalcacion ou rabaiz n’avoient esté faiz d'’icelles xx L. t. par an ausdiz ouvriers et marchans de coutilz, ils avoient refusé a paier et s’estoient partis et delaissié ladicte halle et entreprins a estaller a descouvert eudit baïsle devant la halle et les estaulx d'’iceulz tapissiers; les quieulx tapissiers, regardans que a cause de ce ïlz estoient orandement esgenez et prejudiciez en fait de leur marchandise, partirent et delaissierent semblablement ladicte halle aux tappis et se acoustumerent a estaller et vendre audit baisle comme lesdiz coutilliers ; pour laquelle cause et aussi pour ce qu'ilz se laisserent encourir en arrierages, ladicte excecucion ou justice avoit esté faicte et ledit procés meu ; pour lequel procés eschiver et faire valloir l’eritage de la fiefferme de ladicte ville au proufit d’icelle et pour plusieurs autres causes et consideracions a ce mouvans les bourgois conseilliers d'’icelle ville qui a present sont ayent sur ce convenu et appoinctié en la maniere cy aprez declairée; Savoir faisons que aujourduy par devant nous lieutenant dessus nommé furent presens Jehan Guerout, Colin Vastel, Jehan Neveu, Hector

Caletot et Jehan Rohart, maistres ouvriers et marchans d’iceulx mestiers de tappisserie et coutillerie, lesquieulx, tant pour eulx que pour leurs successeurs esdiz mestiers et marchandises, vouldrent, consentirent et accorderent et se submistrent et obligierent que se ores ou pour le temps avenir il est trouvé que lesdiz tappissiers et coutilliers ou leurs predecesseurs fussent ou eussent esté obligiez a ladicte ville hereditaument a cause de ladicte halle aux coutes et tappis, que l’obligacion ou lettre qui faicte en avoit esté ait et sortisse son plain effect et que selon ce ilz soient et demeurent pour le temps avenir submis et obligez nonobstant ce present appointement demourant eudit cas en non valloir et de nul effect, et oultre pour faire valloir a ladicte ville icelle halle et pour le bien et utilité d’iceulx mestiers et marchandise, les dessus nommez, es noms que dit est, et tant pour eulz que pour leurs diz successeurs, congnurent et confesserent avoir prins a louage de Robert Deschamps, Guillaume Delamare, Michiel Dutot, Michiel Le Barrier, Jaques Le Lieur, Jehan Du Chaste] et Jehan le Villain, bourgois conseilliers, et de Pierres Daron, procureur general de ladicte ville, pour et eu nom d'’icelle, jusques au terme de neuf ans commenchans a la saint Michel derrain passée, par le pris et somme de dix huit livres tournois pour chaseun d’iceulx neuf ans, icelle halle aux coustes et tappis, contenant six postes de quatre vings et six piez de long ou environ, a prendre depuis la premiere postée devers ladicte allée a la halle aux draps en menant tout droit jusques a l’allée ou a la porte de ladicte Vieuxtour ou l’en a acoustumé mectre et poser la fierte monsieur Saint Rommaing Je jour de l’Assencion, icelle allée a ladicte halle aux draps dont paravant est faicte mencion demourant au plaisir et au proufit de ladicte ville comme dit est, a paier ladicte somme de xviij livres tournois pour chaseun d’iceulx neuf

ans a deux termes en l’an de Pasques et Saint Michel, premier paiement commenchant a Pasques prouchain venant; à ce presens iceulx bourgois conseilliers et procureur, lesquieulx pour et eu nom de ladicte ville conenurent et confesserent ladicte baille et prinze jusques audit terme de neuf ans avoir ainsi esté faicte comme dit est, et oultre eu regard a la submission des dessusdiz tappissiers et coutilliers de reprendre ladicte halle s’il est trouvé que eulx ou leurs predecesseurs y soient obligiez hereditaument, eu regard aussi a ce que ladicte allée a la halle aux draps, qui souloit estre de la prinze et teneure de ladicte halle aux tappis et coutilz, demeure a la volenté et proufit d’icelle ville, et a plusieurs autres causes et consideracions a ce les mouvans, iceulx conseilliers et procureur quicterent et quictes clamerent lesdiz tappissiers et coutilliers de tous restes et arrierages deubz a cause de ladiete halle de tout le temps passé jusques ausdites Pasques prouchain venans. Pour toutes lesquelles choses et chascune d'icelles tenir, enterigner et acomplir et ledit louage paier a ladicte ville par chascun an, comme dit est, par indivis et chascun pour le tout, lesdictes parties en obligerent c’est assavoir iceulx tappissiers et coutilliers pour eulx et leurs successeurs tous leurs biens meubles et heritages presens et avenir, et ledit procureur tous les biens de ladicte ville semblablement presens et avenir. En tesmoing de ce nous avons scellé ces presentes de nostre scel dont nous usons eudit office de lieutenant, et a nostre requeste y a esté mis le grant scel aux causes de ladicte viconté. Ce fu fait le jeudi xxvi° jour d'octobre, l’an de grace mil quatre cens vingt et quatre. R. Mustel (avec paraphe).