XXXVII. — 12 novembre
Quittance de plusieurs maçons et charpentiers de Rouen que les Anglais ont emmenés au siège du Mans et qui ont pris part aux expéditions entreprises dans le pays
environnant. (Arch. de la Seine-Inférieure, Fonds Danquin. Original.)
À tous ceulx qui ces lectres verront ou orront Pierres du Buse, garde du scel des obligacions de la viconté de Rouen salut. Savoir faisons que par devant Pierres A la trayme, ad ce commis soubz Robert le Vigneron, tabellion juré en ladicte viconté, furent presens Jehan Pontif, Colin le Lone, Jehan d’Andely, Pierres le Rebours, Guillaume Morisse, Jaquet Ango, Guillaume Vanier, Jehan Faviot, Jehan Piques, machons, Pierres de Blainville, Colin le Lievre, Perrin Tremoulet, Massiot Michiel et Jehan le Fevre, carpentiers, lesquelz de leurs bonnes volentés conoenurent et confesserent avoir eu et receu de Jehan Herbotel escuier, maistre des ordonnances du Roy nostre sire, la somme de troiz cens dix sept livres six soulz huit deniers qui deubz leur estoient et ordonnés estre paiez comme ilz disoïent, c’est assavoir a chaseun d’eulx vingt deux livres traize soulz quatre deniers qui vallent ladicte somme, pour leur droit, paine et sallaire d’avoir vacqué a servir le Roy nostredit seigneur continuellement chascun de leursdiz mestiers l’espasse de quatre moiz et demy et ung jour commenchans ou mois de juing derrain passé et finans a la Toussains ensuians aux affaires et besognes du veage nagaires fait par l’ordonnance du Roy nostredit seigneur pour le siege du Mans et en autres places es parties d’illee environ, au pris de cent soulz tournois de gaiges pour mois a chaseun des dessus nommés, vallent ladicte somme de ïij° xvij 1. vi s. viij d. t., de laquelle somme lesdiz machons et carpentiers chascun en son regart et porcion se tindrent pour bien et loyalment paiez, contens et agreés par devant ledit commis et en quicterent le Roy nostredit seigneur, ledit Herbotel et tous autres. En tesmoing de ce nous a la relacion dudit tabellion avons mis
a ces lettres le scel desdictes obligacions. Ce fu fait l’an de grace mil cecc vingt cinq le lundi xij° jour de novembre. Presens Robin Le Cornu et Robin de la Mare. — KR. Le Vigneron ; P. A la trayme.
