XLI. — Pâques
Arrêt de l’Echiquier ordonnant la restitution de certaine vaisselle d'argent et de vêtements de prix que des bourgeois de Rouen voulaient faire passer à Bruges, malgré la défense du Roi, et qui pour cette raison avaient été saisis et déclarés forfaits par le lieutenant du bailli. (Arch. de la Seine-Inférieure. Reg. de l’Echiquier de 1426. Audiendi Rouen, n° 94, fol. 36 recto.)
Le procureur du Roy seul ou en la compaignie de Jehan Godeffroy ; Jehan Godeffroy seul ou avec ledit procureur, d’une part. Elyot Roygnart, procureur substitut de Pierres Uliet procureur de Jaques de la Vaguemere soit en son nom ou come chargié du fait de Pierre du Monstier, Geroult Naguet et Robin Naguet son filz et de la deguerpie de feu Pierre Du Bust ou autrement etc. d’autre part.
Le cas principal estoit que arrest avoit esté fait a cause de forfaicture sur certaine vesselle d’argent et robes, c’est assavoir vi tasses martellées, xij tasses verées et martellés, xij hanaps a pié, ïüij salieres, ïij gobellés l’un couvert les autrez nom, une esguiere et un hanap a pié, le tout veré doré ; item une houppellande de drap de soye de damas noir a usage de homme fourrées de matres et deux huques l’une d’escarlate violete et l’autre d’escarlate vermeille fourrées de matres, toutes lesquelles choses ledit procu-
reur disoit et maïintenoit estre forfaictes et acquises au Roy, veues certaines ordonnances royaulx faictez tant par deffunect le Roy nostre sire, cui Dieu pardoint, que par le Roy nostre sire a present sur le fait des monnoyes, par lesquelles il disoit que aucun ne povoit fere porter ne transporter aucunes monnoyes de billon, argent en masse, fretin, ymaginerie ne vesselle d’or ne d’argent sur paine de forfaicture aïlleurs que a le plus prochaine monnoye des monnoyes du Roy de là où elle partoit (1), et sur certains autrez paines contenues et desclairées esdictes lettres royaux ; et pour ce que icelle vesselle l’en portoit oudit lieu de Burges, qui est en lointaignes parties, contre lesdictes ordonnances, ledit Pierres Poolin avoit desclairé et sentencié icelle vesselle forfaicte et condampné en amende ledit Waghemere, tauxee a x livres, non obstant les raisons dudit Jaquez, pour laquelle amende l’un de ses chevaulx avoit esté vendu, de lequelle sentence ledit Jaquez s’estoit dolu et coneluoïit que veu son estat et qu’il estoit de noble lingne, nottable etc. ladicte vesselle lui compectoit et appartenoït pour tout pour son usage et n’estoit comprins ete. lequel procureur soustint le contraire et a mauvaise s’estre dolu veu lesdictes ordonnances et que mucée icelle vesselle estoit emportée et muchée en un fardel parmi lesdietes robes et si avoit esté denyé par ledit du Monstier que il portast ycelle etc. laquelle doleance fu mise au neant par ladicte court et procederent les parties sur le vray principal sur lequel ils furent a plain oys et s’aiderent d'’icelles raisons et autres ; sur quoy ilz se mistrent en jugement, dont il fu demande et eu les advis ete., dit fu que en la matiere n’avoit aucune forfaicture et seroient lesdictes vesselle et robez delivrées ete., et mandé au vi-
(1} Cette défense se trouve, en effet, formulée dans l'ordonnance d'Henri V sur le Monnayage de Normandie, datée du mois de décembre 1419. (Mém. Soc. Antiq. Norm., XXIII, 116-117.)
conte de Rouen qui ycelles avoit en garde les baïllier ete. et au regard des x livres paiez et de ce que ledit du Monstier avoit denié icelles il en seroit ordonnè au conseil. Ce vij® jour de may üij® xxvi ou conseil fu appointé que ledit Jaques sera restitué d’iceulx x livres tournois pour l’amende, et ledit voicturier mis hors de procès et deschargié de la nyance.
XLITI. — 22 juin 1426.
Testament olographe de Guillaume de Baudribosc, chanoine de Rouen, l’un des assesseurs du Procès de condamnation de Jeanne d’Arc. (Arch. de la Seïne-Inférieure, G 3424. Original) (1).
In nomine domini amen. Je Guillaume de Baudribose prestre a la grace de dieu estant sain de pensée et de corps, considérant que il ne est rien plus certain de la mort ne rien plus incertain de l’eure, fais et ordonne mon testament ou desrainne volenté en la maniere qui ensuit : Premierement je command l’ame de moy a mon pere createur le pere, le filz et le saint esperit, a la benoïte glorieuse vierge Marie, a monsegneur Saint Michel l’angle, Saint Pierre et Saint Pol et a toute la court de paradis, voulant mourir comment bon catholique en la foy christienne que nostre sauveur Jhesu Crist nous a baïllie et donnée et la quele sainte eglise croit, et voulant mourir en la ferme creance de ung chascun des articles de la foy chrestienne en surpliant a mon doulz createur que il
(1) Guillaume de Baudribose mourut vers le 15 janvier 1447. V. Ch. DE BEAUREPAIRE, Notes sur les juges et assesseurs du procès de condamnation de Jeanne d'Arc. (Précis de l'Académie de Rouen, année 1888-1889, pp. 426-427.)
veulle recevoir en pitié et a sa misericorde mon ame quant elle partira de mon corps par les meritez de la douloureuse et benoite passion de nostre sauveur Jhesu Crist, l’intercession de la benoite vierge Marie mere de nostre sauveur et l’intercession de monsegneur Saint Michel, monseeneur Saint Pierre et Saint Pol et de toute la Court de paradis. Zitem se je trespasse a Rouen, je eslis ma sepulture en l’eglise de Rouen en tel lieu ou place comment il plaira a messieurs de l’eglise de moy donner; et se ailleurs trespassoye, je eslis ma sepulture en lieu saint a la discrecion de mes excequteurs, des quelz aprés est faicte mencion. ltem je fais et ordonne mes excequteurs Nicholas et Jehan de Baudribose mes freres et de telz biens que Dieu me a prestez et donnés leur donne plain pover de en ordener et disposer segond leur discrecions, paier mes debtes, de en orderner pour le salut de l’ame de moy et en distribuer la ou ilz verront que bien sera, soyent parens où autrez ou eulx mesmez, combien que la distribucion segond le commun cours du monde ne puisse pas estre grande quar il ne y a pas si grande quantité de biens, quar je me suy aïdié en partie des biens de aucuns de mes freres et generalment moy confiant de l’amour que tousjours avons eu l’un a l’autre et de leur bonne discrection leur donne plain pover du tout a leur discrection et ay fait et ordonne ce present testament en françois afin que mes dessusdis freres et excequteurs le puissent mielx entendre. En tesmoing de toutes lesqueles choses, je Guillaume de Baudribose dessusdit ay escript de main ce present testament et signé de mon signe manuel et scellé de mon propre seel. Ce fut fait en mon hostel a Rouen a la rue aux Ouez l’an de grace mil cece xxvi, xxij° jour de juing. — G. de Baudribose. (Trace de cachet en cire brune). Et au-dessous, d'écriture plus récente :
Ilem avecques les dessus nommés exequteurs je ad- , 1
jouxte mes nepveus Estienne et Richart de Baudribose mes excequteurs a pareille puissance. G. de Baudribosc.
[A la suite ont été ajoutés deux codicilles en latin, l’un daté du 19 mai 1436, par lequel le testateur désigne Etienne et Richard de Baudribose, ses neveux, pour ses exécuteurs testamentaires à la place de ses frères décédés ; l’autre du 8 juin 1438 par lequel, à la suite de la mort de Richard de Baudribose, il choisit pour exécuteurs testamentaires Massiot Daniel, Mathieu de Baudribosce et Jean de Bresmes, ses neveux, qui devront disposer des biens de ses frères défunts et des siens. Ces deux codicilles sont signés du notaire Guerould. |
