XLIII. — 20 juillet

Ordonnance de paiement d’une somme de 41 sous tournois à Geoffroy Therage, exécuteur de la haute justice du Roi, pour avoir décapité sur la place du Vieux-Marché Cardot Cheloe, natif de La Londe, condamné à mort par jugement. (Arch, de la Seine-Inférieure, Fonds Danquin. Original) (1).

Pierres Poolin lieutenant general de noble homme monsieur Jehan Salvain, chevalier, baïlli de Rouen et de Gi1sors, au viconte dudit lieu de Rouen ou a son lieutenant salut. Nous avons tauxé a Guieffroy Therage, maistre excecuteur de la haulte justice du Roy nostre sire a Rouen, pour sa paine et sallaire d’avoir menè en une charrecte Cardot Cheloe, natif de la Londe en la viconté du Pont Audemer, depuis les prisons du Roy nostredit seigneur audit lieu de Rouen jusques au Viel Marchié et

(1) La quittance de Geoffroy Therage, datée du même jour, 20 juillet 1426, est jointe à cet acte.

audit lieu l’avoir decappité et assis sa teste sur une lance et d’icellui Viel Marchié avoir mené en icelle charrecte le corps d’icellui jusques a la justice et audit l’avoir pendu, qui a ce avoit esté condampné pour ses demerittes ; c’est assavoir pour l’avoir decappité xx solz tournois, pour l’avoir pendu x solz, pour ladicte lance v solz, pour gans xij deniers et pour ladicte charrecte v solz, montent les parties dessusdictes quarante et ung soulz tournois. Sy vous mandons que des deniers de vostre recepte vous paiés, baïlliés et delivrés ladicte somme audit Guieffroy ; et par rapportant ces presentes avec quictance suffisant d’icellui Guieffroy ce vous sera aloué en vos comptes et rabatu de vostre recepte ainsi qu’il appartendra. Donné a Rouen le xx° jour de juillet l’an de grace mil eccc vingt six, — Du Bust (avec paraphe).