XLIX. — 8 mars 1427 (n. st

Appointement entre Gilles Sierker dit Mombray, héraut du duc de Norfolk, et Alix, femme séparée du dit Sterker, au sujet du partage des biens acquis par eux durant leur mariage. (Reg. du tabellionage de Rouen, 1425-1426, fol. 388.)

Samedy viij® jour de mars mil iiij° xxvi............. Comme descord fust meu ou esperé a mouvoir entre Gilles Sterker dit Mombray, herault de tres puissant seigneur monsieur le conte mareschal a present duc de Nolfolf, d’une part, et Alips separée d’icellui et ou paravant femme de feu Guillaume Trubert, d’autre, sur ce que, aprés le partage fait de leurs biens meubles, ledit Mombray avoit contendu avoir droit a cause d’icelle separée en la moictié de la maïson ou pend l’enseigne du Paon en la rue de Marpalu, qui piéça avoit esté acquise par ledit Trubert et ladicte Alips durant leur mariage, et aussi a avoir lieu et place convenable pour y demourer et mectre ses biens ; sur quoy il avoit esté appointé par

”- ie dt.

or it --é, ETES

TA

ge

Lo de

CE

justice de l’acort des parties que il auroit une chambre oudit hostel a mectre ses biens et gesir s’il lui plaisoit entre cy et Pasques prouchaines venans, affin que ce pendant il se peust pourveoir d’autre lieu, maison et place pour demourer et mectre ses biens; laquelle Alips et Agnesot sa fille, ayant par don du Roy nostre sire l’autre moictié en ladicte maison, avoient fait retraire en une chambre dudit hostel les biens dudit Mombray; de laquelle chambre ledit Mombray n’avoit pas esté content et ne l’avoit pas voulu acepter pour ce que il disoit que e’estoit l’estable aux chevaux et aussi qu’il n’y povoit gesir ne faire sa demeure parce que il n’y avoit point de cheminée ne place ou il peust fere feu ne elle n’estoit convenable ne raisonnable pour demeure d’aucun, et si n’y povoient sesdiz biens estre seurement, consideré que icelles estables estoient assises en une rue foraine où il ne conversoit ne demouroit aucune personne maiz estoit communement infecte des ordures et immondices que l’en y faisoit et gectoit, et pour ce avoit requis a justice que l’en lui feist delivrer en icellui hostel chambre convenable pour mectre ses biens et fere sa demeure et joir de tel droit qui lui povoit appartenir en icellui hostel a cause de sadicte femme durant leur separacion ; et aussi ladicte Alips avoit requis que ou cas où l’en delivreroit aucune poreion de ladicte maison audit Mombray que il fust contraint semblablement a lui delivrer afin d’eritage la moictié de certaines vignes assises pres Pontoise qui durânt ie temps que ilz avoient esté ensembles par mariage avoient par eulx esté conquises, et aussi en certaine rente ou pencion et certaine maison ou heritage que ilz avoient acquises durant ledit temps ou royaume d’Angleterre, et mesmes que elle eust pour son vivre tel droit en douere qu'il lui povoit appartenir des heritages que il possidoit au temps de leurs espousailles ; sur quoy eulx estoient en

voye d’estre et demourer en longueur de procés; pour lequel eschiver et en esperance de acord, ilz avoient differé leur cause par pluseurs journées, comme ïilz disoient ; Savoir faisons que au jourduy etc., furent presens ledit Mombray d’une part et ladicte Alips d’autre, lesquelz congnurent et confesserent que par le conseil de leurs conseulx et amis ilz avoient sur ce traictié et appointé en la manere qui ensuit : C’est assavoir que ledit Mombray quicta et quicte clama a tousjours a ladicte Alips tout et tel droit que il povoit demander et reclamer en quelque manere que ce soit en ladicte maison et estables, et d’icelle promist wydier lui et ses biens et rendre les clefz que il en a dedens viij jours aprés la dabte de ces presentes afin que icelle Alips et sa fille puissent fere leur prouffit de ladicte maison et generalment tout ce que il pouvoit demander es autres heritages, rentes et revenus quelzconques de ladicte Alips sans y demander ne reclamer jamaiz chose quelconques, moyennant que ladicte Alips quicta et quicte clama a tousjours pour elle et ses hoirs audit Mombray etc. tout ce qu’elle pourroit demander et reclamer esdictes vignes et en tous les autrez heritages et revenus quelzeonques dudit Mombray, tant de son propre comme par lui acquis durant ledit mariage, soit par raïson de douaire, de communité ou autrement en quelque mapere que ce soit, tant deça la mer que dela la mer; et aussi moyennant et parmi la some de xij salus d’or que ladicte Alips en paia presentement audit Mombray et dont il se tint a content ete., et mesmes des partages feis entre eulx de leurs biens meubles ; et aussi rendi et baiïlla presentement audit Mombray les lettres de l’acquisicion desdictes vignes, dont il se tint semblablement content, sauf toutesvoy que ou cas que par la grace de Dieu ou par le moyen de leurs amis ilz peussent pour le temps avenir rassembler comme en mariage paisible et ladicte sepa-

racion estre adnullée, ce present appointement seroit nul et demourroient chaseun d'’eulx tous entiers a avoir telz droiz es choses dessusdictes comme il leur pouvoit appartenir selon raison et la coustume et usage des lieux et pais où leurs heritages et revenus sont assiz, se le cas s’offroit que eulz ou aucun d’eulx alast de vie a trespassement apres que ilz seroient rassemblés come en mariage paisible, toutes lesquelles choses et chaseune d’icelles lesdiz de Mombray et ladicte Alips promistrent chascun de soy et en son fait, tenir, acomplir et avoir ferme et agreable a tousjours tant pour eulz ete., sur l’obligacion de tous leurs biens et heritages ete. Presens Jehan Descostis dit Lescot, Henry Lancestre et Jehan Duclos.

L, — 10 mars 1427 (n. st.).

Sentence du bailliage de Rouen homologuant une transaction passée entre Etienne Guiot, peintre, et les trésoriers et paroissiens de l’église Saint-Nicolas-le-Painteur au sujet de certaines baies ouvertes dans sa maison et d’une gouttière qui déverse ses eaux dans le cimetière de la dite paroisse. (Arch. de la Seine-Inférieure, G 7366, Original) (1).

À tous ceulx qui ces lectres verront ou orront Pierres Poolin, lieutenant general de noble homme monsieur Jehan Salvain, chevalier, baïlli de Rouen et de Gisors et commissere de la court d’eschequier en ceste partie, salut. Comme procez fust meu entre les tresoriers de l’eglise

(1) A cette pièce est joint un certificat sur parchemin, daté du 23 mars 1440 (n. st.), par lequel Jean Salvain, baïlli de Rouen, atteste qu’à la date indiquée dans l’acte ci-dessus Pierre Poolin était bien son lieuterant général.

Saint Nicolas de Rouen, d’une part, et Estienne Guiot, painteur, demourant en ladiete parroiïsse, d’autre, sur une clameur de gaige pleige que avoient mis lesdiz tresoriers a l’encontre dudit Guiot pour ce que en une maison jononant au chimetiere de ladicte eglise qu’il avoit de nouvel fait faire il avoit ediffié plusieurs veues, fenestres et degouts d’eaues voyans et cheans devoirs et sur ledit chimetiere au prejudice de ladicte eglise (2), de laquelle clameur la congnoïissance et par especial de la provision pendant le procez au pourchas dudit Guiot avoit esté commise par la court de l’eschequier a mondit seigneur le baïlli ou a son lieutenant ; ou conduit et demené duquel procez ledit Guiot avoit dit et disoit que jasoit ce que sadicte maison fust jongnant audit chimetiere il avoit eu nagaires et euparavant autre maison vielle qu’il avoit fait demolir pour y rediffier nouvelle maison, et n’avoit en ce faisant fait ne ediffier ediffice qui peust prejudicier audit chimetiere ne a ladicte eglise et n’avoit fait fors en son territoire et comme semblable ediffice de cil qui estoit au devant, car euparavant que il feist faire icelle maïson avoit fait prendre garde de faire ediffice comme eiïl de devant, et avoit ou costé dudit chimetiere oudit hostel autant ou plus de fenestres et degouts comme ceulx qui y sont construiz et ediffiez a present, comme ce et autres choses entendoit dire et soustenir en temps et en lieu plus a plain, et pour avoir provision sur son cas cependant estoit tourné devers la court de l’eschequier, ouquel eschequier il avoit sur ce obtenu les lettres du Roy et de ladicte court adreçcans a mondit seigneur le baïlli ou a son lieutenant auquel la provision du cas avoit esté commise ; sur quoy pour avoir l’enterinement avoit pieça fait convenir lesdiz parroïissiens et tresoriers et vers eulx a contendu afin de ladicte provision, laquelle provision avec le principal lesdiz tresoriers avoient voullu deffendre et sous-

tenir que faire ne se devoit et que la maison ancienne estoit appentiche dont toute l’eaue estoit cheant sur la rue et que celle qui de present y estoit estoit d’autre facon et faicte a pignon sur rue pour faire veues et degouts vers ladicte eglise et en ce faisant entreprenoit et avoit entreprins contre raison sur les droiz de l’eglise et eu deshonneur et absugetissement d’icelle en plusieurs poins et manieres, par quoy et autres raisons disoit que a bonne cause avoient prins et levé ledit gage pleige et ne se devoit faire par aucun ediffice par provision ne autrement eu prejudice de leur droit, saisine, procez et clameur. Sur quoy il eust esté appointé piecha par les parties entre les autres choses que pour essaier et commencer a trouver paix par maniere de provision et sans prejudice dudit procez et du droit desdictes parties ledit Estienne Guiot feroit clorre et estoupper de plastre plusieurs fenestres en l’estage de bas qu'il avoit fait faire en sadicte maison ou costé vers ledit chemetiere, et aussi feroit couvrir cinq ou six petis chevrons qui sont apparans soubz la goutiere courant le long de sadicte maison eu costé devers ledit chimetiere et y feroit faire ung aumuret soubz ladicte goutiere pour recueillir ses eaues tellement que icelles eaues de sadicte maison vers ledit chimetiere ne peussent cheoir audit chimetiere, et aussi le maintendra ou temps avenir ; en entretenant lequel appointement ledit Guiot ait fait clorre et estoupper lesdictes fenestres basses maïiz n’ait pas encores fait faire ledit aumuret en esperance d’avoir traictié final avec lesdiz tresoriers, et aussi pour autre procez qui se feust peu mouvoir entre lesdiz tresoriers [touchant ung huis lequel] a esté fait et ediffié en une autre grande maison qui est vers ledit chimetiere de ladicte eglise en une autre maison qui est eu derriere de ladicte neufve maison appartenant audit Guiot et jongnant en une maison appartenant a messieurs les doyen et chappitre de l’eglise Nostre

Dame de Rouen, et pour ce que lesdiz tresoriers disoient et voulloient soustenir qu’il ne povoit ne devoit avoir aucune yssue ne entréee sur ledit chimetiere par ledit huis et ledit Guiot disoit et maintenoit le contraire, affin de savoir se ilz pourroient sur ce trouver aucun appointement soient plusieurs foiz assemblez avecques leurs conseulx et tant fait que par le moyen d’iceulx ilz aient traictié et appointié en la maniere cy aprez desclairée comme ilz disoient ; Savoir faisons que en l’assise de Rouen tenue par nous lieutenant dessus nommé le lundi x° jour de mars l’an mil ccce vingt et six se comparurent par devant nous Pierres Praiere, Thevenin de Fontaines, Colin Coquet, tresoriers de ladicte eglise, Pierres de Clatot, Adam Garin, Guillaume Lenfant et Robin Bourdet, pour eulx et eulx faisans fors pour les autres parroiïssiens d’icelle eglise de Saint Nicolas, d'une part, et ledit Estienne Guiot, d’autre part, lesquielx confesserent avoir traictié et accordé par le moien d’eulx et de leurs conseulx tant sur ledit procez et descort, circonstances et deppendences, que du descort touchant ledit huis ou huisserie ou entrée au chimetiere dont dessus est faicte mencion en la maniere qui ensuit : C’est assavoir que lesdictes fenestres [basses] estans sur ledit chimetiere qui sont estouppées et plastrées seront maintenues closes et plastrées en l’estat dessus dit pour le temps advenir sans ce que en icelles l’en y puisse faire aucunes veues ne ouvertures. Et si sera tenu ledit Guiot faire fere par hault ledit aumuret pour recueillir les eaues au long de dessoubz la goutiere de sadicte maïson et les mectre et faire courir en rue par le long de ladicte goutiere et ainsi maintenir ladicte goutiere et cloesons pour le temps avenir tellement que les eaues de sadicte maison ne cheent ne puissent cheoïr sur ledit chimetiere. Et en tant q{ue es]t la fenestre englesque qui est au hault estage, lequel sert de necessité audit Guiot, comme il dit, pour

faire secher les paintures et œuvres de son mestier, comme bannieres, panons et telles choses, elle demourra en tel ediffice que elle est, maiz il n’y pourra par le chimetiere faire amonter en sadicte maison foyn, bois ne autres choses qui puissent empescher ne nuire a icellui chimetiere, et les autres veues et fenestres du [seco|nd estage de sadicte maison seront et demourront ouvertes se il plaist audit Guiot et ses hoirs, par ainsi que s’il avient ou est seeu ou trouvé que ledit Estienne, ses hoirs, gens, serviteurs ou autres gectent ou facent gecter par lesdictes fenestres et veues oudit chimetiere aucunes ordes eaues, ordures ou immundices ledit Guiot, ses hoirs ou aians cause, chascun en son regart, en seront tenus pour la premiere foys qu'ilz seront trouvez coulpables faire reparacion a ladicte eglise et amende a justice, et pour la seconde foys amende de double, et a la tierce foys toutes lesdictes fenestres et veues seront a tousjours maiz croisiées fort de [treill]ys ou de fer, et par telle condicion que pour ce que a present la fenestre englesque de hault est demourée sans trillier pour la nécessité que y alégue ledit Guiot pour secher par la ses bannieres, se ou temps advenir demouroit oudit hostel personne d’autre mestier que de paintre comme est ledit Guiot, lesdictes veues de ladicte fenestre englesque qui est en vers et derrain estage de hault seroient et seront eroisiez de boys ou de fer. Et pareïllement se ledit Guiot ou ses hoirs baiïlloient par transport de vendicion, delaiz ou louage ladicte maison, icelles fenestres et veues d’icelle fenestre englesque seront semblablement croisées. Et au regart dudit huys il sera et demourra sur ledit chimetiere en l’estat que il est de present, et ne pourra gecter ne faire gecter aucunes ordures ou immundices par icellui huis. Moïennant lesquelles choses ledit Estienne Guiot sera tenu faire et paier au tresor de ladiete eglise quarante solz tournois de rente par

chascun an aux quatre termes de l’an a Rouen acoustumés, premier terme commençant a Pasques prouchaïin venant, par ainsi que ledit Guiot et ses hoirs pourront avoir et racquicter toutesfoiz qu'il leur plaira iceulx xl s. de rente dedens vingt ans par paiant aux tresoriers de ladicte eglise la somme de vingt livres tournoiz en bonne monnoye avecques les arrerages qui leur en seront deubz. Et pour lesquielx xl s. de rente ledit Guiot paia presentement vingt livres tournoiz dont lesdiz tresoriers et parroissiens se tindrent a bien contens et paiez, et par ce paiant ledit Guiot et ses hoirs seront et demourront quictes et deschargiez de ladite rente ; et si fist ledit Guiot amende dudit procez. Toutes lesquelles choses et chascune d'’icelles lesdictes parties, chaseun en son regart, promistrent tenir, faire, enteriner et acomplir et avoir ferme et agreable pour le temps advenir sans jamaiz aller en contre. Et a ee que dit est lesdictes parties en obligerent l’un a l’autre tous leurs biens, c’est assavoir lesdiz tresoriers tous les biens de ladicte eglise, et ledit Guiot en obliga tous ses biens meubles et heritages, presens et advenir. Et si promistrent lesdictes parties chascun en son regart ratiffier devant tabellion ledit appointement et ce que dessus est dit. Desquelles choses de la partie desdiz tresoriers et parroissiens nous ont esté requis ces presentes que nous leur avons octroyées, lesquelles en tesmoing de ce nous avons seellées de nostre propre seel et a greigneur aprobacion et congnoissance y a esté mis le grant seel aux causes dudit bailliage. Ce fu fait et passé en l’an, jour et assise dessusdiz. Et sur le repli : Scellé du petit scel aux causes de balliage de Harecourt en l’absence de nostre scel le derrain jour de novembre iïij® xxxix par nous Pierre Poolin, baïlli dudit lieu. Poolin (avec paraphe) (1).

(1) Le 26 février 1423 (n. st.), Etienne Guiot avait pris à rente, pour 19 livres tournois par an, de M° Robert Manchon, chapelain de la chapelle Saint-Laurent, fondée en la chapelle Saint-Pierre et