FEI
sement, c’est assavoir ladicte halle aux toillez et canevas quatre ans ou environ, et ladicte halle aux draps bien troiz ans ou plus, et tellement que pendant le temps de ladicte occupacion la ville n’en eust peu fere son prouffit pour ce que les canonniers du Roy en avoient lez clefz et vouvernement. Enquis comme il le soit, dit qu'il le soit par ce que pluseurs foiz il a repairié esdictes halles à l’occasion de ce qu'il estoit fermier dez estaux aux lingieres estans auprès desdictes halles aux draps, toilles et canevas, et qu'il a veu fere et forgier pluseurs desdis canons et bombardes, Enquis savoir se pour l’empeschement d'’icelles prisons et halles auxi grant louage doie estre paié ou deffalcacion estre faicte par chascun an depuis pasques ïiij° xxij jusquez a la fin du temps d'’icelle occuppacion comme par avant, c’est assavoir pour l’occuppacion desdictes prisons xl 1 t., pour ladicte halle aux revendeurs de draps vr* 1. t. et pour ladicte halle aux toilles et canevas xl L t., dit que a son advis et conscience, considéré ce que euparavant de ladicte occupacion il a veu baïllier lesdictes halles a grant somme de deniers par chascun an et mesmement que par l’ordonnance du Roy regent, eui Dieu pardoint, il fu payé ou deffalqué sur ce que ladicte ville doibt au Roy pour l’occuppacion desdictes prisons semblables sommes que dessus est deselairié, luy semble que l’en devroit payer ou deffalquer a ladicte ville sur ce que elle doibt au Roy, c’est assavoir pour l’occupacion desdites prisons xl L. t., pour la halle aux revendeurs de draps vi* 1. t, et pour la halle aux toillez et canevas xl L. t. pour chascun an durant le temps de ladiete occuppacion, semblablement comme il fu eu vivant de feu le Roy Henry, regent, que Dieu pardoint. Enquis se le dommage, ruine et dequadence qui est et a esté esdictes hallez est advenu a l’occasion dez forgemens et des grans batemens que l’en y
faisoit en faisant lesdictes bombardes et canons, et mesmement dez essaiz d'’icelles bombardes et canons quant l’en lez faisoit, dit et deppose qu’il a veu par pluseurs foiz durant le temps que l’en forgoit esdictes halles lesdis canons et bombardes essayer auprès desdictez halles, a l'occasion desquels essaiz il vit grant quantité des tuilies d’icellez halles cheoir a terre et icellez halles crouller et mouvoir tellement que a son advis a l’occasion de ce une grant partie de ladicte halle aux draps en est cheue et demollie, que la ville a fait refaire et mectre sus a ses cous et despens, et ladicte halle aux toillez et canevas est semblablement cheue et demolie et est encore a reffaire et remectre sus, et sur le contenu esdictes lettres et mandement ne seroit autre chose depposer sur tout dilligeanment enquis.
Marquet Bataille, marchant d’espisserie, demourant a Rouen en la parroïsse Saint Denis, aagié de xl ans ou environ, juré et interrogué par serement etc., dit et dep- DOS xl qu'il soit certainement que lesdictes halles ont esté occupées pour le fait des forges où l’en a forgé pluseurs canons et bombardes pour le Roy et pour mondit seigneur le Regent depuis lesdictes pasques üije xxij jusquez à an et demy a ou environ, et le soit par ce que il a pluseurs foiz repairié et frequenté esdictes halles a l’occasion de ce qu’il estoit fermier du poix de la layne pour le Roy qui se vendoit ou marchié en l’une d’icelles halles, et se recorde bien il qui deppose que an et demy a Ou environ, après ce que lez canonniers ourent lessié a besongner esdictes halles et emporté leurs enclumes, il qui deppose, pour ce qu'il estoit lors fermier du courtaige dez laynes, tourna devers lez conseilliers de la ville pour avoir congié de hoster une haye que avoient fait fere iceulx canonniers en ladicte halle et chouquez qu'ilz avoient fichiés en terre pour mectre leurs enclumes, les-
quelx luy respondirent que de ce ne luy donrroiïent aucun congié pour ce qu'ilz l’avoient longuement occuppée et qu'’ilz ne savoient se ilz retourneroient ou non.......... Enquis savoir se ceulx de ladicte ville ont aueunement prins, apliqué ou mis a prouffit du mesrien, tuille ou ediffices estans esdictes halles, dit quant a la halle ausdis draps il soit de certain que lez tuilles et mesrien qui cheirent d'’icelle furent tellement demollis que depuis n’eussent peu servir pour estre remis a aucun ediffice, et au regard de la halle aux toilles et canevas tant de boiz que de tuille n’a esté a prouffit synon de v à vi de tuille, comme il luy semble, et autre chose sur le contenu esdictes lettres et mandement ne seroit depposer sur tout dilligeanment enquis.
Michiel Mauconduit, carrelleur, demourant a Rouen, en la parroisse Saint Laurens, aagié de lij ans ou environ, juré et interrogué etc. dit et deppose..... que de tout son temps il a acoustumé chaseun jour ouvrable en faisant son dit mestier estre seant auprès et a l’entrée desdictes halles... Dit quant au regart de la halle desdis revendeurs de draps que icelle chey sy soudainement que ladicte tuille fu perdue et depechiée et le bois et mesrien tout rompu tellement qu'il ne oult esté bon a apliquer a aucun ediffice synon a ardoir, et au regard de ladicte halle aux toilles et canevas dit qu’il a bien congnoissance que audevant de la dequadence d'’icelle aucuns des officiers de ladicte ville ont recueilly et mis a prouffit de la tuille d’icelle jusquez au nombre de ïiij® ou environ et lez quevrons d'’icelle halle n’ont esté d’aucune valleur pour ce qu'ilz estoient tous ars et bruis du feu des fournaiïses faiz en icelle..…..
Guieffroy Nouel, carrelleur, demourant a Rouen, en la paroisse Saint-Maclou, aagié de xxviij ans ou environ, juré et interrogué par serement etc. dit et deppose etc,
Guillaume d’Evreux, carrelleur, demourant en la parroisse Saint Maclou de Rouen, aagié de lij ans ou environ..…….
Le mardi ensuiant, xxvij° jour dudit moys Robin de Grouchet, marchant, demourant a Rouen, en la paroisse Saint Maclou, aagié de xl ans ou environ, juré et interrogué par serement etc. dit et deppose etc... Jehan le Courtoiz, chaussetier demourant a Rouen en la parroisse Saint Maclou, aagié de 20 ans ou environ, ete... Jacquet Nagerel, chaussetier, demourant en la parroïisse Saint Maclou de Rouen, aagié de xxxv ans ou environ, ete. Guillaume Pain, sergent du Roy nostre sire a Rouen, aagié de xlviij ans ou environ, ete, dit et deppose, ete. Et quant a ladicte halle aux canevas, est tournée en decadence et ruyne et n’y a a present aucun ediffice synon lez paroiz qui sont estaiées d’un costé vers le Cours aux Chevaulx, dont le mesrien est demouré pourry et fondu soubz la tuille comme de nulle valeur, et quant a la tuille luy semble que ceulx de ladicte ville en ont bien peu recuillir ung millier ou environ, maiz ne scet se recuilly a esté..
Jehan le Vaillant, marchant de draps, bourgois de Rouen, aagié de xlv ans ou environ, juré et interrogué par serement, etc.
Jehan Vastecuir, charpentier, demourant en la parroisse Saint Denis de ladicte ville, aagié de 1x ans ou environ, juré et interrogué par serment, etc., dit et deppose, etc, qu'il est bien adverty que depuis la rendue de ladicte ville lesdictes halles ont esté occuppées a fere canons, bombardes et autres feremens pour lez affaires du Roy nostredit seigneur et qu'il y avoit ouvriers qui y : besoignoïent continuelment pour ledit seigneur et en portoient les clefz et faisoient fere telles elostures come il leur plaisoit jusques il a environ deux ans qu’ilz en partirent et que leurs forges furent abatues et lez clostures
de hayes et chouques ostez, et tellement lez oceupoient que ceulx de ladicte ville n’en eussent peu fere leur prouffit durant le temps dessusdit..
Robin Cordelle, peseur pour le Roy nostre sire en la viconté de i’eaue de Rouen, demourant en icelle ville en la parroisse Saint Vincent, aagié de xxxvi ans ou environ...
Crespin le Franchoiz, chaussetier, demourant à Rouen en la parroisse Saint Maclou, aagié de xliïij ans ou environ..
Jehan le Bouchier, dit Cache, merchier demourant a Rouen, en la parroïisse Saint Denis, aazié de xlv ans ou environ...
Jehan le Charpentier, chaussetier, demourant a Rouen, en la parroisse Saint Denis, aagié de xxxi an ou environ.
Jehan le Grant, le jeune, merchier, demourant a Rouen, en la parroisse Saint Denis, aagié de xxxij ans ou environ...
Le merquedi xxviij® jour dudit moys Guieffrin Gueroult, merchier, aagié de xxxviij ans ou environ.
Rogier du Hamel, espissier, aagié de xxx ans ou environ,
en la parroisse Saint Denis, jurés et interrogués par serement, ete., dient et depposent, ete.
Guieffroy de Lettre, coutier de draps, aagié de xlv ans ou environ,
Jacquet le Leureur, chaussetier, aagié de xlv ans ou environ,
Thibault Durant, marchant de draps, aagié de xlij ans ou environ,
tous demourans a Rouen, en la parroisse Saint Candre du Sollier, jurés et interrogués par serement, ete., dient et depposent, etc, que a l’occasion des forgemens et grans batemens que l’en faisoit esdictes halles en forgant
demourans a Rouen.
lesdis canons et bombardes et mesmement en faisant lez essaiz d'icelles, la terre trembloit, se mouvoit et croulloit quant lesdictes bombardes et canons gectoient si fort que grant quantité dez tuilles desdictes halles et gardes dessus les murs eu costé devers Saine cheirent a terre et se recordent bien que l’une desdictes bombardes en gectant se depecha et d’un esclat ung homme qui estoit auprès desdictes halles en fu feru et en mouru, et auxi se desjonenirent lez ediffices dez dictes halles tellement que une grant partie de ladicte halle aux draps chey a terre... Jehan Gaultier, marchant de laines, demourant a Rouen, en la parroisse Saint Maclou, aagié de 1x ans ou environ... dit et deppose en toutes choses comme lesdis de Lettre, Leureur et Durant, reservé qu'il ne vit point ferir ledit homme feru de l’eselat de ladicte bombarde maïz a bien oy dire qu'icelluy homme en fu feru et que, a l’occasion de ce, il alla de vie a trespas...
Olivier Deschamps, marchant de fain, demourant en la parroiïsse Saint Denis de ladicte ville près les halles nommées la Vieux tour, juré et interrogué par serement ,etc.…., dit et deppose.. qu'il a veu pluseurs foiz forgier essaier et gecter pluseurs canons et bombardes dedens et auprès d’icelles halles, et en icelles gettant a veu que icelles halles mouvoient et croulloient et se desjongnoient lez ediffices et aussi cheoïent lez tuilles de tous costés et mesmement en son hostel où il demouroit en gectant icelles bombardes firent cheoir et enracher lez tullies et lez verricres, et en pluseurs autres maisons illec environ et par nuit sembloit que tout deust estre foudryé du grant tourment estant en icelles halles, combien qu'il n’y eust aucuns ouvriers, dont lez voisins estoient tous espoventés...
Le lundi xxiïij° jour de may, eudit an
Maistre Alixandre de Berneval, maistre des œuvres de
machonnerie du Roy, Maistre Jacques de Soteville, maistre dez œuvres de charpenterie d'’icelluy seigneur,
Jehanson Salvart | LE AO
Jehan Rouxel |
Jehan le Monnier. !
charpentiers
Guillebert le Petit
Thomas dez Hommez
Pierres Amyot plastriers Henry le Rebours
tous jurés a dire verité rapporterent que par commandement de justice ilz se sont transportés en la porcion de maison qui oceuppée a esté pour lesdictes prisons et esdictes halles qui occupées ont esté pour le fait desdictes bombardes et canons, et quant au fait de la porcion dudit hostel où ont esté lesdictes prisons, dient qu’ilz soivent icelle avoir esté occuppée depuis la rendue de Rouen jusques a Pasques iïij° xxviij derrainement passez, et leur semble que a cause de l’occuppacion d’icelles prisons et de la grande et continuelle frequentacion qui faicte y à esté depuis que ellez furent apliquées a usages de prisons la machonnerie est grandement empirée et dommagiée en telle maniere que pour l’empirement de la machonnerie, la fosse des aisemens et de la solleure de la maison de dessus et auxi l’empirement dez fenestres de pierre de l’ostel avec pluseurs marches de pierre depechées et troux faiz en la machonnerie d’avant l’ostel pourroient couster a repparer xv L t. {tem le vuidage desdis aisemens pourroit couster xxx 1. t. Z{em l’empirement de la charpenterie tant sur ladicte fosse d’aisemens comme es solliveaux de la cuisine et en pluseurs endroiz avant l’ostel, en huis, fenestres et serreures, pourroient couster la somme de xxx I. t. Z{em du mestier de platrerie l’empirement tant eu planchié desdis aisemens que aux autres planchiez et
cloesons davant l’ostel et eu marches de degrés et bees de fenestres et en la couverture, pourroient couster xxv L. t. Et leur semble qu'il est a jugier de bonne raison que a cause de la frequentacion des prisons et de la grant quantité qui y a esté eu regart a la petite place le lieu a esté et encores est sy infect que bonnement jusques a longtemps personne n’y pourra demourer sans grant dangier de sa santé. /tem rapportent que ces choses considerées la ville n’est pas assés recompensée, ains est et demeure moult dommagée quant elle sera paiée de ladicte occuppacion de la somme de xl 1. par an. Ztem leur semble que mieux appartendroïit de louage ou occuppacion xl L t. pour chaseun an du lieu desdietes prisons a avoir esté occuppées a usage de prisons ainsi que elles ont esté que ne seroit a ung simple louagier xx 1. par an. Ztem quant a la halle de hors nommée la halle d’Auffay, Pavelly et Darnestal, rapportent qu'ilz soivent de certain que en ladicte halle et auxi en la halle aux toilles et canevas lez canons et bombardes y furent faictes et forgées du temps du Roy derrain trespassé et depuis, et a celle cause ont esté lesdictes halles occuppées jusques il a ung an et demy ou environ, et que durant l’occuppacion la ville n’en eust peu fere son prouffit. Leur semble aussi que a l’occasion dez forgemens et des essaiz des canons et des bombardes lez dommages sont advenus esdictes halles car lez tuilles cheoïent et lez ediffices se desjongnoient de tous costés. Item dient et rapportent les dessusdis que la repparacion de ladicte halle aux draps dehors du mestier de machonnerie a bien peu couster xv 1. t. ou environ, et du mestier de charpenterie äïij®= 1. t. ou environ, du mestier de plastrerie xx 1. t. ou environ, et du mestier de couverture pour tuille, late, clou, noes, feteures, goutieres et paine d’ouvriers vi 1. t. ou environ. Ztem quant a l’empirement de ladicte halle aux toilles et canevas laquelle est encores
cheue et est a repparer, rapportent que du mestier de machonnerie pourra bien couster a repparer € L t., du mestier de charpenterie e 1. t. et dez mestiers de plastrerie et de couverture, pour tuille, late, elou, noes, festures et paines d'ouvriers Ix 1. t. — Signé LANCESTRE, Du Monr et DE CROISMARE (avec paraphes).
L’advis de nous, Pierres Poolin, lieutenant general de noble homme monsieur Jehan Salvain, chevalier, baïlli de Rouen et de Gisors, Michiel Durant, viconte de Rouen, Jehan Segueult, advocat du Roy nostre sire, et de maistre Robert de Croïismare, procureur d’icellui seigneur oudit bailliage, sy est que, veue ladicte informacion mesmement que nous avons esté sur lez lieux, auxi qu’il appert par lettres et comptes que ou vivant du Roy Henry nostre souverain seigneur Regent, cui Dieu pardoint, il fu deduit net rabatu sur ce que la ville povoit devoir 2 icellui seigneur pour l’occuppacion dez halles dont dessus est faicte mencion, c’est assavoir pour la halle aux toillez et canevas x1 1. t., et pour la halle aux revendeurs de draps de dehors, nommée la halle d’Auffay, Pavelly et Darnestal, vi= 1. t., et pour une partie de l’ostel de ladicte ville où lez prisons du Roy nostredit seigneur ont esté xl 1. t. pour chascune année durant le temps qu'’ilz furent occuppées pour le fait desdis canons et bombardes, ou vivant d’icelluy seigneur, que il nous semble qu’il est de bonne equité deduire et rabatre a ladicte ville sur ce que elle doit au Roy ou leur fere paiement pour l’occuppacion desdictes halles depuis le trespassement dudit Roy regent jusques a la Saint Michiel mil ccce xxvi seullement et l’occuppacion de l’ostel où ont esté lez prisons du Roy depuis ledit temps du deceps du Roy jusques au jour de Pasques mil cccc xxviij, c’est assavoir pour ladicte halle aux toilles et canevas xl L. t. pour an, et pour ladicte halle aux revendeurs de draps vi® 1. t. et pour lesdictes prisons xl L. t, pour chas-
eune année durant le temps de ladicte occuppacion, comme: dit est. — Signé P. Poor, M. DURANT, J. SEGUEVT, R. DE CROISMARE (avee paraphes) (1).
