LIX. — Paris, 14 mai
Mandement du roi Henri VI au sujet d’une requête du cardinal archevêque de Rouen demandant que soit portée devant l’échiquier la cause pendante entre ses officiers et ceux du Roi relativement à deux prisonniers qu'il réclamait comme clercs et qui n’en ont pas moins été condamnés et exécutés. (Arch. de la Seine-Inférieure, G 1884. Original.)
Henry par la grace de dieu Roy de France et d’Angleterre. À noz amez et feaulx conseilliers des gens qui tendront nostre prouchain eschequier de Normandie salut et dilection. Comme certain debat et procés ait esté nagaires meuz entre nostre amé et feal conseillier le Cardinal administrateur de l’arceveschié de Rouen, son official et autres ses officiers audit lieu d’une part et nostre procureur ou bailliage de Rouen d’autre part, sur ce que ledit official requeroit lui estre renduz comme clers Jehan Ermechin, natif du pais de Picardie et Jehan Creudon natif
(1) Au dos de l'acte est écrit : « Le mardi xviij® jour de jenvier, l'an M CCCC XXVIII ceste presente informacion fut veue, leue et diliganment examinée au buriau et par grant et meure deliberacion de conseil fut dit et deliberé que tout veu et consideré, tant pour les dommages que pour les ocupacions et le temps desdictes ocupacions et tout ce qui fait a considerer, on rabatra et defalquera ou sera fait paiement auxdis bourgois et habitans de la somme de cinq cens livres tournois pour toutes choses et seront contentez en deux ans et a quatre paiemens par egal porcion, premier commenchant a Pasques prouchaïinez venans. »
de nostre pais d'Angleterre, prisonniers en noz prisons audit lieu de Rouen pour pluseurs crimes et malefices par eulx commis et perpetrez, lesquelz nostredit procureur disoit et maintenoit estre aggresseurs de chemins publiques et telement erimineulx que ilz ne devoient joir de previlege de clere, sur lequel procés et debat aprés certain appointement ou sentence donnez en la matiere par nostre baïlli de Rouen sur une elameur de brief de fyeu lay ou d’aumosne prins par nostredit procureur a l’occasion de certaine monicion faicte par ledit official contre nostredit baïlli de Rouen ou son lieutenant pour avoir et luy estre renduz lesdiz deux prisonniers come clercs, et aprés certaine complainte faicte desdiz appointement ou sentence a nostre amé et feal cousin le Chancellier de France et autres gens de nostre grant conseil lors estant a Rouen par les gens et officiers dudit cardinal, furent commis de par nous nostre dit bailli de Rouen, noz amez et feaulx conseilliers Pierre seigneur de Rouville, chevalier, maistre Jaques de Calais et Jaques d’Orléans, Michiel Durant, viconte de Rouen, Rogier Mustel viconte de l’eaue dudit lieu de Rouen et Durand de Thieuville ou les six ou cincq d’eulx pour oir les parties et cognoistre et determiner de la question meue entre eulx sur ce que dit est, ainsi que raison donrroit comme en eschequier et court souverainne ; lesquelz commissaires ont si avant procédé que par leur sentence ilz ont dit et declairé ledit brief prins par nostredit procureur devoir avoir son effect et ont condampnez lesdiz prisonniers a estre trainez et pendus et ledit Cardinal en amande envers nous, dont le procureur d’icellui Cardinal, soy sentant aggrevé pour pluseurs raisons qu’il pretendoit, voyant que briefment ne povoit avoir remede de doleance par lettres, se dolu et appella verbalment a la court souverainne et ordinaire de nostredit prochain eschequier de Normandie en tant que valoir luy pourroit
pour cuidier empeschier l’execution de ladicte sentence, et ce nonobstant lesdiz commissaires ont procédé a l’execution d'’icelle et en ce faisant fait trainer et pendre lesdiz deux prisonniers, et non contens de ce se efforcent de vouloir tauxer ledit Cardinal en amande, lesquelles choses les vicaires et officiers d'’icellui Cardinal dient avoir esté et estre faictes ou grant grief, dommaige et prejudice de luy et de l’eglise et diminution de sa jurisdition ecclesiastique, et plus seroit se sur ce n’estoit pourveu de remede convenable, requerans que, ce consideré et que a nous est de garder et deffendre l’eglise dont nous sommes protecteur et deffenseur en ses libertez, que la matiere est de grant pois et consequance, nous leur vueillions octroier noz lettres de doleance et renvoy de ladicte cause et cognoissance d'’icelle audit prochain eschequier de Normandie affin que plus meurement et raisonnablement la matiere puist estre discutée et determinée selon ce que raison donrra, en mandant et deffendant ausdiz commissaires que en ladicte matiere tant au regard de la tauxation de l’amande comme autrement ilz ne innovent aucune chose, mais s’aucune chose avoient innové ilz mettent et tiengnent en son premier estat et deu. Pourquoy eu sur ladicte requeste advis et meure deliberation de conseil par l’advis de nostre tres chier et tres amé oncle Jehan, regent nostre royaume de France duc de Bedford, vous mandons et enjoingnons expressement que en nostredit prochain eschequier de Normandie vous vous informez publiquement et notoirement se a l’encontre de sentences ou appointemens donnez de eschequier volant ou commissaires depputez et ordenez pour cognoistre de eauses comme en eschequier et court souverainne on a acoustumé et veu donner doleances et ce que vous en trouverez renvoyez avecques voz advis par devers nostredit oncle pour en ordener ainsi qu'il verra estre a fere et comme il ap-
EE
partendra, voulans et ottroians audit Cardinal que ce pendant le laps du temps ne luy prejudieie aucunement qu'il ne puist requerir et obtenir doleance s’il estoit trouvé que ou dit cas on luy deust ottroier. Donné à Paris, le xiiij® jour de may l’an de grace mil cece vint et huit et de nostre regne le sixiesme. — Es requestes tenues par monseigneur le Regent de France duc de Bedford ou vous les evesques de Beauvais, de Noion et de Paris, le premier president de parlement, l’abbé du Mont- Saint-Michiel, l’arcediacre de Paris et autres estoient. J. Milet (1).
