LX. — Paris, 5 novembre

Rémission octroyée par le roi Henri VI à Simon le Poulailler, prêtre, qui a accompagné l’archevêque de Rouen, Louis de Harcourt, lorsque ce dernier a quitté la ville et s’est retiré en Poitou. (ARCH. Nar., JJ 174, n° 24, fol. 9 verso.)

Henry ete. Savoir faisons a tous presens et avenir nous avoir esté humblement exposé de la partie de Simon le Poullallier, prestre, aagié de Ixvi ans ou environ, que, au temps de la descente que fist a Touque en nostre duchié de Normandie feu nostre très chier seigneur et pere cui Dieu pardoint, Loys de Harecourt, jadiz arcevesque de Rouen, se parti et se transporta ou pais de Poitou pour demourer et vivre sur aucunes terres qu'il avoit oudit

(1) Le bailli de Rouen et les commissaires députés pour connaître de cette cause ayant, malgré ces lettres du Roï, taxé à 600 livres tournois l’amende infligée au Cardinal et procédé à la saisie du temporel de ce dernier, Henri VI, par un autre mandement daté de

Paris le 24 août 1428, leur enjoignit de surseoir à toute mesure jusqu’à ce que l'affaire eût été portée devant l’échiquier. (Zbid.)

pais, ouquel icelui Loys de Harecourt est alé de vie a trespassement ; et pour ce que ledit exposant, qui est natif de nostre ville de Paris, et des le temps de sa jeunessè desiroit acquerir estat et honneur pour avoir sa vie honnestement, mist peine d’avoir service honnorable et trouva le service dudit Loys de Harecourt, qui lors estoit jeune seigneur, de la personne duquel il eust le gouvernement et aussi de son hostel par aucun temps, icelui exposant se parti dudit pais de Normandie et s’en ala avec ledit Loys de Harecourt, son maistre, oudit pais de Poitou, ou il a demouré par aucun temps et jusques après le trespas de sondit maistre que icelui exposant, pour desplaisance qu'il avoit de ce qu'il estoit hors de sa nacion, a esté malade a diverses foiz par l’espace de ïïij ans et demi, et quand il a esté en convalescence et santé, aquis tous les moiens qu'il a peu pour soy retraire en nostre obeïssance ou il desiroit venir et finer ses jours, et finablement trouva une compaignie de grant nombre de pelerins venans de Saint Jaques en Galice et d’autres pelerinages et en forme de pelerin s’est mis a l’aventure avecques eulx et venu par deça où il a depuis mis peine de trouver tous moiens pour y demourer seurement et pour obtenir de nous grace de toute offense..., Si donnons en mandement par ces presentes a nostredit baïlli de Rouen... Donné a Paris le cinquiesme jour de novembre l’an de grace mil quatre cens vint huit et de nostre regne le septiesme. Aïnsi signé par le Roy a la relacion de mons. le Regent le royaume de France duc de Bedford. J. Milet.