LXXIV. — 5 mai

Bail à Jean Stanlawe, écuyer, d’un jardin sis en la paroisse Saint-Patrice et appartenant à la chapelle Saint- Romain de la cathédrale. (Reg. du tabellionage de Rouen, 1430-1431, fol. 9 recto.)

Vendredy v° jour de may mil iiij® xxx.

Noble homme Jehan Stanlawe, escuier, confesse que des quaresme derrain passé il avoit pris et encores prenoït a louage de maistre Guillaume le Tabletier, prestre, chappellain en la chapelle Saint Romaïn fondée en la grant eglise Nostre Dame de Rouen, jusques a ung an ensuivant revolut et acompli, c’est assavoir ung gardin aïnsi ete. assis en la parroiïsse Saïnt Patrix de Rouen, apartenant a icelle chappelle, d’un costé une allée appartenante aux hoirs Guillaume Ango tant a cause de l’eritage du Cavelet que de l’eritage qui fu audit Ango, d’autre costé une petite maison appartenante a icelle chappelle, d’un bout a la rue et d’autre bout audit Ango a cause de son

gardin, par dix soulz tournois de louage pour ledit an, à paier au terme saint Michiel prochain venant. Et pour ee que ledit preneur avoit puis nagueres et de nouvel fait fere et ediffier ung degré sur et en icellui gardin joingnant et tenant a la maison de monsieur de Preaulx, qui fu Guillaume Habart, ou demoure de present ledit preneur, servant a deschendre d’une chambre ou salle d’icellui hostel estant sur ladicte allée dedens ledit gardin, en quoy ledit maïistre Guillaume avoit voulu mectre empeschement pour ce que ce povoit empeschier icellui heritage et sur icellui aquerir droit ou possesion a l’ostel dudit sieur de Preaulx, ledit preneur afferma que ledit degré il n’avoit point fait fere ainsi que fait estoit en intencion de prejudicier en quelque maniere ledit gardin ne sur icellui acquerir aucune possession, mais estoit et avoit esté son intencion de icellui degré fere abatre en la fin d’icellui an, en confessant que l’eritage sur quoy ledit degré estoit assis estoit appartenant a icelle chappelle, en voullant et acordant que ou cas que il n’auroit abatu ledit degré dedens et en la fin d’icellui louage, se plus ne louoit ledit gardin, que ledit chapellain ete. puisse fere abatre ledit degré et a eulx appliquer comme leur chose sans contredit ete. Et à ce tenir etc., obligant biens ete. Presens Fleuret Desendres et maistre Guillaume de Preaulx.