LXXXVII. — 17 avril

Sentence d’assise du bailliage de Rouen qui donne raison au procureur du Roi dans son conflit avec les officiers du Chapitre au sujet de certains Français faits prisonniers à la suite des affaires de Gisors et d’Etrépagny et réclamés comme clercs par la justice de l’église. (Arch. de la Seine-Inférieure, G 1887.)

Extrait, Du xvij* jour d’avril continué du lundi xvi° jour dudit moys mil iij® xxxi devant Guillaume de Ferieres en l’assise de Rouen.

Comme nagueres Raoulin de Graïnville, Jacquet le Fevre et Pierres Coche, hommes liges du Roy nostre sire, eussent esté apprehendés en la compagnie de pluseurs adversaires du Roy nostredit seigneur qui par traison s’estoient mis en fait d’entrer es villes et chastel de Gisors et par aucuns des souldoiers de Gisors qui les avoient trouvés armez aveg lesdiz adversaires eussent esté Lvrez a la justice dudit lieu qui les eust fait tenir en prison tant pour ledit cas que pour ce que puis deux ans ilz s’estoient absentés de ceste obeïissance en laquelle ïlz avoient esté depuis la conqueste de ce pais de Normendie, et estoient alez a Beauvaiz avec lesdiz adversaires et a iceulx donné conseil, confort et porté dommaige au Roy nostre dit seioneur et ses subgiez en aguet de chemin et autrement, et par especial lesdiz Grainville et Coche en tant que eulx et leurs adherens avoient vendu et livré a iceulx adversaires le chastel de Estrepaigny ou iceulx prisonniers estoient retraiz et y avoient leur reffuge au devant de leur absence, a cause de laquelle traison inconveniens innombrables et irreparables estoient advenus, et aussi eust nagueres esté prins es bois de Fleury sur Andelle en present meffet et en aguet de chemin Jehan du Plesseys foulon

natif de Gisors qui eust esté admené es prisons de Rouen où il avoit esté detenu tant pour ledit cas que pour ce que depuis ung an il s’estoit parti de Gisors où il avoit demouré depuis la conqueste et estoit allé avec les adversaires a Beauvaiz et les avoit conseillés et confortez contre le Roy nostre sire et ses subgiez en la compaignie desdiz adversaires qui par traison vouloient entrer a Gisors, et aussi pour avoir esté depuis sadicte absence continuelment aggresseur de chemins, et pour avoir la detencion, punicion et correecion desdiz malfaicteurs maiïstre Jehan Basset, official de Rouen, et maistre Jehan le Roy, promocteur d'office pour les doyen et chappitre de l’eglise cathedral de Rouen, gouverneurs de l’espirituel de l’arceveschié de Rouen, le siege vacent d’archevesque, eussent fait admonnester par plusieurs admonieions mondit sieur le baïlli ou son lieutenant pour rendre es prisons de la court de l’eglise lesdiz prisonniers come clercs et leur justiciables, pourquoy le procureur du Roy nostre sire eust prins pluseurs briefs de fieu lay ou d’omosne contre lesdiz doien et chappitre, official et promocteur qui eussent esté exploictés, et depuis pour ce que la cause d’iceulx bricfs se devoit determiner en siege d’assise et que les assises ne se tiennent point plus tost que de six sepmaines en six sepmaines, par quoy les matieres d’iceulx briefs povoient prendre long trait et lesdiz malfaicteurs demourer impugnis et en grant dangier d’eschapper et aussi que l’en ne les povoit enquerir de la connive et secrez desdiz adversaires et de la conspiracion de la traison de pluseurs places, Henry Picart, procureur general du Roy nostre sire eudit bailliage de Rouen et ou duchié de Normendie, eust impetré lettres royaulx le xx° jour de mars derraïin passé, par lesquelles estoit mandé a mondit sieur le baïlli ou son lieutenant que, partiez appellées a certains briefs jours, il congneust et determinast d’iceulx briefs de jour

en jour ou autres intervalles que mondit sieur le baïlli ou son lieutenant regarderoiïent estre a fere, par vertu desquelles lesdiz doyen et chappitre eussent esté adjournés devant mondit sieur le baïlli ou son lieutenant pour proceder sur lesdiz briefs au xxij° de mars derrain passé, ouquel jour Pierres Dupuis, procureur desdiz doiïen et chappitre et desdiz official et promocteur se comparu, vers lequel ledit procureur du Roy proposa et contendi que lesdiz briefs sortissent leur effet et fu le cas continué au xxiij® jour de mars, auquel jour ledit procureur desdiz doien et chappitre, official et promocteur eust dit que l’adjournement estoit trop brief et eust pretendu a dilactoire et eust la cause esté continuée au mardi d’aprés Quasimodo x° d’avril, et cependant ledit procureur du Roy eust impetré autres lettres royaulx le iïij® jour de present moys, par lesquelles estoit mandé a mondit sieur le baïlli ou son lieutenant qu'il contraingnist lesdictes partiez a proceder sur le principal desdiz briefs sans actente d’assise, auquel x° d’avril la cause eust esté continuée a l’endemain et se feust ledit procureur du Roy aïidié desdictes lettres royaulx, auquel lendemain ledit Dupuis oudit nom eust demandé delay de son conseil, qui lui eust esté accordé jusques au xii® jour de ce present moys d’avril, auquel jour iceulx doien et chappitre, official et promocteur se fussent laissé deffaillir et a pluseurs autres journées ensuivans, et par iceulx deffaulx aprés les adjournemens et contraintes d’iceulx deffaulx recordées dont il apparu a la court, et par iceulx eussent esté mis en amende par jugement par le conseil et oppinion des saiges assistens en jugement, par laquelle amende ledit procureur du Roy requist avoir actaint a s’en aller sans jour deslié desdictes amonicions faictes pour avoir la detencion et punicion desdiz prisonniers et la congnoïssance, punicion et juridicion dudit cas et d’iceulx prisonniers estre et de-

mourer en la court du Roy nostredit seigneur o narracion dudit procés, laquelle requeste lui fut par nous accordée come bonne, coustumiere et raisonnable par le conseil et oppinion desdiz assistens..... En marge : Emfenda] ij° IL. t. Le brief du Plessis tauxé à ij° 1. t. par mons. le baïlli. — Em{endal] vije L. t. Le brief de Raoulin de Granville, Jaquet Le Fevre et Pierre Coche tauxés a ladicte somme de vije 1. t. par mons. le baïlli.

LXXXVIII. — Rouen, 4 mai 1431.

Lettres patentes du roi Henri VI qui évoquent devant l’Echiquier volant la cause pendante entre le bailli et le chapitre de Rouen au sujet de quatre clercs détenus pour crime de lèse-majesté dans les prisons royales de la ville. (Arch. de la Seine-Inférieure, G 1887. Original.)

Henry par la grace de dieu Roy de France et d’Angleterre Au viconte de l’eaue a Rouen ou a son lieutenant salut. De la partie de noz amez les vicaires et chanoïnes

de l’eglise Nostre Dame de Rouen aïans de present le gouvernement et administracion de l’espirituel de l’archeveschié dudit lieu, le siege archiepiscopal vacant, eulx chargans du fait de l’official et promoteur d’icellui archeveschié en tant qu’il en est mestier, nous a esté exposé en complaignant que jasoit ce que selon raison coustumiere de Normandie nulle grant querele ne doie estre terminée sinon en assise ou en eschiquier et par especial les briefz des questions hereditaulx doiïent estre terminées en assise, et pareïllement les briefs de fieu lay ou d’aumosne, et que tous jours ait esté ainsi usé, tenu et gardé de tel temps qu'il n’est memoire du contraire, ce non obstant

Laurens Guedon, lieutenant general de nostre baiïlli de Rouen, soubz umbre de certaines lettres royaulx nagaiïres impetrées par Henry le Picart, nostre procureur general en Normandie, faisans mencion de deux briefz de fieu lay ou d’aumosne dont estoit porteur nostredit procureur contre lesdiz exposans pour le fait de quatre prisonniers criminelz detenuz en noz prisons a Rouen et a Gisors, c’est assavoir Raoulin de Graïinville, Jaquet Lefebvre, Perrin Coche et Jehan du Plessis, lesquelz l’en dit estre clers, a nagaires contraint les diz exposans ou leur procureur a proceder pardevant lui en extraordinaire, et soubz umbre de ce que par icelles noz lettres estoit mandé audit baïlli ou son lieutenant que lesdictes parties il fist proceder par devant lui sur iceulx briefz de jour en jour ou autres intervales competens sans actendue d’assise, il à mis lesdiz exposans en trois defaulx par si briefves assiognacions comme du jour a lendemain, et par iceulx defaulx les à mis en amende par jugement et fait jugié contre eulx et adjugié proufit en cause a nostredit procureur et principal de matiere, ja soit ce qu'il n’y eust point de litiscontestacion donnee en cause, et aussi ledit baïlli a depuis .ce tesmoigné lesdiz complaignans ou ledit official et promoteur avoir esté tauxez en amende a ia somme de mil livres, et par vertu de son mandement torconnier ont iceulx official et promoteur esté prins et mis en n0Z prisons de Rouen et y sont encores detenuz, ja soit ce qu'’ilz soient prestres graduez et que selon la coustume du pais nul clerc ne personne d’eglise ne religieux ne doivent estre prins ne arestez par juge lay se ilz ne sont prins a present meffait ou suis a clameur de haro; en quoy et en pluseurs autres poins et articles a declairer en temps et en lieu tant et si avant que souffire devra lesdiz baïlli et lieutenant et chascun d’eulx ou l’un d’eulx ont fait tort et grief refus ou defailli de faire droit aus-

diz exposans soit de leur office ou a la requeste, proufit, pourchas ou instance de nostredit procureur, desquelz tors et griefz il ne leur loist appeller mais en doivent a nous avoir recours par forme de complainte ou doleance, et nous leur devons sur ce pourveoir de remede selon ladicte coustume. Pourquoy nous te mandons et par ces presentes commectons que, caucion soulfisant par toy mesmes prise et receue desdiz exposans ou leurs procureurs de la somme et autres choses dessusdictes et aussi de leur dicte complainte ou doleance poursuir et paier le jugié se mestier est et ilz en encheent, tu adjournes bien et deuement lesdiz baïlli et lieutenant à ce qu'ilz soient et se comparent au huitiesme jour apres l’execucion de ces presentes et aux autres jours ensuivans qui leur seront assignez par devant noz amez et feaulx cousins et conseilliers les contes de Huntynton, de Warrewik et de Stafford, les abbez de Fescamp et du Mont Saint Michiel, les seigneurs de Cramowel, de Typtot et de Saint Pierre, Guillaume Portier, Rogier Ffenys, Pierre de Rouville, chevaliers, maistres Jehan Doule et Thomas Fassier, maistres des requestes de nostre hostel, Guillaume Heton, nostre secretaire, Guillaume filz Henry et Jaques d’Orleans ou les treze, douze, unze, dix, neuf, huit, sept, six ou cinq d’eulx, que nous pour l’abregement de justice et pour certaines et justes causes et consideracions a ce nous mouvans avons commis et commectons par ces presentes par l’advis et Geliberacion des gens de nostre grant conseil estant par devers nous a oir, cognoistre, discuter, determiner et jugier a tout plain povoir d’eschiquier en ceste partie et auctorité d'’icellui eschiquier et de court souveraine de la dicte cause et matiere de doleance et des circonstances et dependances d'’icelle, pour par lesdiz baïlli et lieutenant veoir, corrigier, reparer et adnuller lesdiz tors et griefz en tant que estre le pourront, se par raison et la

coustume de pais le doivent estre, en intimant et faisant savoir a nostredit procureur qu'il soit audit jour ou jours se bon lui semble, et par ladicte caucion fay tenir les choses contencieuses ou point et estat qu’elles estoient au temps que lesdiz tors et griefz furent ou deurent estre faiz, et s’aucune chose avoit esté faicte, actemptée ou innovée au contraire, la ramenes et remects ou fay ramener et remectre ainsi que estre pourra au premier estat et deu, en certifiant souffisamment nosdiz cousins, conseilliers et autres dessus nommez de ce que fait en auras, ausquelz nous mandons et pour les causes dessusdictes commectons et expressement enjoignons que aux parties, icelles oyes, facent sur tout par competans intervales et sans longue figure de procés bon et brief droït et acomplissement de justice, car aïnsi nous plaist il et voulons estre fait de grace especial par ces presentes, se mestier est, non obstant usage, stile ou coustume et quelzconques lettres surreptices impetrées ou a impetrer a ce contraires. Donné a Rouen soubz nostre scel ordonné en l’absence du grant le quart jour de may l’an de grace mil cece et trente un et le neufviesme de nostre regne. — Par le Roy a la relacion de son grant conseil. J. de Lunaiïn.

DXRXIX. = drum d43l

Constitution de dot en faveur d’une religieuse de l’Hôtel- Dieu de la Madeleine de Rouen. (Reg. du tabellionage de Rouen, 1430-1431, fol. 309.)

Vendredi premier jour de juing mil ilij xxxi....... ; Antheaumet du Hasay marchant bourgeoïs et demourant a present en la parroisse Saint Martin sur Renelle de Rouen, lequel pour et afin que Guillemete sa fille puisse

parvenir et entretenir a la devocion que elle disoit avoir de estre rendue et vestue religieuse en l’ostel dieu de la Magdalaine de Rouen, de sa bonne volenté etc. congnut avoir donné et donne par ces presentes a sadicte fille à tenir et cueillir, la vie d'’icelle fille durant seullement, c’est assavoir cent solz tournois de rente ou pension a vie, a prendre et paier chacun an aux ïiij termes ete. premier Saint Michiel prouchain venant, tant sur une maison et tenement que ledit Antheaumet disoit lui appartenir, ainsi etc., assis en ladicte parroïsse Saint Martin, d’un costé et d’un bout le tenement des Maillés, d’autre costé Romet du Hasay et d’autre bout au pavement dessus l’eaue de Renelle, que generalment sur tout etc. ou cas que icelle maison dessus bournée ne seroiït icelle vie durant de telle valleur que plainement et franchement l’en ne pourroit iceulx C solz tournois de rente avoir et recevoir chacun an et auxdiz termes sans aucun procés ou subhastacion faicte sur ce. Ce don fait meu de devocion en la reverence de nostre pere createur, de la benoiïste Marie Magdalaine, en faveur d’amour naturelle qu’il avoit a sadicte fille, afin qu’elle soit rendue et vestue religieuse en icellui hostel de la Magdalaine et qu’elle soit tenue prier Dieu pour lui, dont de tout etc. Sur lequel heritage dessus bourné ledit Antheaumet du Hasay voult, consenti et accorda que sadicte fille, sadicte vie durant, et ses ayans cause ou le porteur de ces lettres puissent fere ou fere faire leur pure et plaine justice par voye d’execucion pour iceulx © solz tournois de rente ou pencion a vie avoir et pourcachier chacun an pour deffault de paiement aprez chacun terme passé et sur tous ses autres biens meubles et heritages presens et advenir ou cas dessusdit. Et a ce tenir, paier et acomplir etc. et rendre tous coustz etc. ledit Antheaumet obliga biens etc. Presens Jehan la Saye et Jehan Baillet.

XC, — Rouen, 3 juin 1431.

Angers ER Ne 2 RTE ESS EME CS

Quittance de Laurent Calot, secrétaire du Roi, qui avait fait conduire de Rouen au Pont de l’Arche deux bateaux chargés de blé afin d’attirer les Français de Louviers dans une embuscade. (Arch. de la Seine-Inférieure, Fonds Danquin. Original.)

Saichent tuit que je Laurens Calot, secretaire du Roy nostre sire, confesse avoir eu et receu de Pierre Surreau, receveur general de Normandie, la somme de neuf vins cinq livres huit solz quatre deniers tournois que je afferme par ces presentes avoir mis, frayez et despenduz pour par l’ordonnance du Roy nostre sire et de son grant conseil avoir fait charger deux grans nefs de blé pour icellui mener a Paris sans avoir sauf conduit ne seurté des ennemiz du Roy nostredit seigneur, affin que se iceulx ennemiz estans a Loviers sailloient sur iceulx bateaulx que ilz puissent estre pris et destroussez par certaine embuche que le Roy nostredit seigneur entendoiït fere mettre pres ledit Loviers, pour lesquels bateaulx ou nefs mener et conduire come dit est j’ay loué et retenu par ladicte ordonnance pluseurs mariniers, chevaulx et gens necesseres pour le menage desdiz bateaulx qui ont sejourné par pluseurs jours attendans de partir et de fait les feis partir au jour qui m'’avoit esté chargié; et pour ce que ladicte entreprise ne assorti point son effeict furent ramenez d’enprès le Pont de l’Arche en ceste ville de Rouen; ce paiement a moy fait par ledit receveur par vertu des lettres du Roy nostre sire données a Rouen le ix° jour de may derrenier passé, expediées par monseigneur le tresorier de Normendie (1). De laquelle somme de ix= v 1. viijs.

(1) Les iettres du Roi font défaut, mais'le mandement de Thomas Blount, trésorier, adressé au receveur général Pierre Surreau et daté de Rouen le 13 mai 1431, est joint à cette quittance de Laurent Calot.

iiij d. t. dessusdiete je me tiens pour content et bien paié et en quicte le Roy nostre sire, ledit receveur general et tous autres. En tesmoing de ce j’ay signée ceste presente quictance de mon saing manuel a Rouen le tiers jour de juing l’an mil ecce et trante ung. — Calot (avec paraphe). — Au dos : Blanc signé de maistre Lorens Calot pour fere quictance de ixÆ v 1. viij s. ii} d.