XCI. — 13 juin
Conventions entre Pierre Roque et Etiennot de Barnonville, bourgeois de Rouen, au sujet du mariage de Grullemette, fille du premier, avec Jehannin, fs du second. (Reg. du tabellionage de Rouen, 1430-1431, fol. 320 verso.)
Mercredi xiij° jour de juing mil iïij° xxxi........., re Comme traictié de mariage ait esté fait et accordé entre Guillemocte fille de Pierre Roque, bourgois de Rouen, d’une part, et Jehannin de Barnonville, fils Estienot de Barnonville, semblablement bourgois et demourant en la parroisse Saint Michiel de ladicte ville, d’autre part, par lequel traictié icellui Pierre Roque ait promis et donné a sadicte fille la somme de vi® x livres tournois pour une fois paier, icelle vestir et atrousseller ainsi que parlé à esté en traicté dudit mariage faisant ; et aussi ledit Estienot de Barnonville ait promis et donné a sondit filz la somme de Ix salus d’or, vestir et ordonner selon son estat ; et si lui ait promis et accordé que icellui Jehannin de Barnonville sondit filz soit et demeure, lui et sadicte femme, et leurs enffans, se aucuns en ont, tant comme il leur plaira, en l’ostel et en la compaignie de son dit pere et sa mere et leur trouveront toutes leurs necessitez
en toutes choses durant ladicte demeure ; et en cas que ce seroit le plaisir et voulenté d’iceulx Jehannin de Barnonville et Guillemote fille d’icellui Pierre Roque de departir ou aller demourer hors de l’ostel et compaignie d’icelx Estienot de Barnonville et sadicte femme, icellui Estienot de Barnonville sera tenu rendre, baiïller et livrer icelle somme de vi x livres tournois et lx salus d’or en deux parties, avec toutes leurs robes, joyaux et atrousselemens qui donnez leur ont esté en icellui traictié de mariage sans aucune diminucion ou rabaiz pour quelconque cause que ce soit ou puisse estre, Savoir faisons etc. furent presens lesdiz Pierre Roque et Estienot de Barnonville qui congnurent toutes les choses dessusdictes estre vrayes et icelles promistrent tenir, enteriner et acomplir de point en point chacun en droit soy et en son fait et regart aïnsi que dessus est declairé ; et oultre icellui Estienot de Barnonville congnut avoir eu et receu dudit Pierre Roque pour et ou nom de sondit filz et de ladicte affée fille d’icellui Pierre Roque icelle somme de vi® x livres tournois par lui promis et donnez a sadicte fille au traictié d’icellui mariage ; et avec ce confessa que icellui Roque avoit vestue et atrousselée sadicte fille bien et suffisamment selon son estat et avoit deuement acompli sadicte promesse, de laquelle some de vi x livres tournois et d'’icelle vesture et atrouselemens il se tint pour bien content ete. et promist acquicter et delivrer icellui Pierre Roque vers lesdiz affiez et tous autres a qui quictance en puet et doit appartenir ; et par ce moyen iceulx Jehannin de Barnonville et ladicte Guillemote son affiée qui presens estoient, icelle Guillemote deuement auctorisée par sondit affié ete. se tindrent a contens d’icellui Pierre Roque et le quicterent de toutes les choses, dons et promesses par lui faictes en icellui traictié de mariage et de toutes autres choses quelzconques ; et promistrent que jamais riens etc.; Et oultre
iceulx de Barnonville promistrent et accorderent que ou cas que la fille d’icellui Pierre Roque yroit de vie a trespassement dedens l’an d’icellui mariage sans avoir eu enffant yssant d'’icelle Guillemote vivant aprez ledit an et trespassement, lesdiz de Barnonville seront tenuz a rendre et restituer audit Roque tout icellui don de mariage parce qu'il seroit tenu contribuer raisonnablement aux coustz et fraiz des nopces d’iceulx affiez et tout jouxte et selon l’usage de ladicte ville de Rouen en tel cas acoustumez. Et a ce tenir ete. lesdiz de Barnonville et Guillemote, chacun en son fait, obligierent biens etc. Presens messire Laurens le Roy, prestre, Thomas Du Lonce et Guillemin le Seneschal,
