IX. CHANSON NOUVELLE

Faicte par un gentilhomme estant prisonnier. Et se chante sur le chant : Quant V Empereur de Rome arriva dans Paris.

Voulez ouyr la complaincte

De paovres prisonniers

Qui sont en la prison

Si paovrement traictez, Considérez qu'ilz ont de mal

Et aussi du martire; Le cas de quoy on les mescroit

Ne le firent en leur vie.

Tous les soirs à neuf heures On nous vient visiter; Chardon tient la chandelle, Jehan de L'Estre les clefz,

En nous disant, reconfortant,

Enfans, prenez courage, Et si vous veoir s'en a grevé

Le long de la muraille.

Helas ! monsieur le juge,

Qui les procès jugez,

Quant jugerez un homme,

Regardez que ferez :

Des faulx tesmoingz ont controuvé

Contre nous, paovres vis; Las ! s'ils osoient ou s'ils pouvoiem.

Nous feroient perdre la vie.

Et prisonnier je suis

Traicté bien durement,

Fermé entre deux huys

Couché bien durement, Du pain, de l'eau, me vont donnant.

Ce m'est chose bien dure, Et si me viennent regarder

Si j'ay point la ferrure.

Helas ! monsieur le juge,

Despechez vistement

Les paovres prisonniers

Que tenez longuement. Considérez qu'ils ont du mal

Et aussi du martire Le cas de quoy on les mescroit

Ne l'ont f aict en leur vie.

Si j'avois bonne bourse

Et faveur quant et quant,

J'aurois bonne espérance

De sortir vistement,

Considérez, las ! que ferez L'homme mort à vie;

Mais je n'ay pas rray dire, helas !

La bource bien garnie.

Las ! j'ay le cueur bien triste

Et aussi bien dolent;

Ne puis mener ma mye , Jouer dessus les champs.

Ung temps viendra, que la tiendray

Entre mes bras bien nue, Et la menray au boys jouer

Au boys soubz la verdure.

Ceste chanson fut faicte Cinq cent quarante et un En une tour infecte Où n'y a que deshonneur.

Ras et souris y font leur ny; Les poulz s'y vont retraire.

Nobles chestiens considérez Prisonniers ont affaire.