VIII. AULTRE CHANSON NOUVELLE

A qui me doibs-je retirer, Puis que mon amy m'a laissée; Jour et nuict ne fais que pleurer Comme pauvre déconfortée ; Puis bien mauldire la journée Qu'onques jamais l'aimay sy fort; Je suis pauvre déconfortée, Je vous prometz qu'il a grand tort.

A tout le moins se m'eust parlé

Ou dict adieu pour récompence,

Ou bien que je l'eusse accolé,

Ce m'eust esté grande allégeance.

Le cueur me part quand bien j'y pence

Et suis preste à trespasser;

Il m'a faict une grande offence

S'il n'a désir de retourner.

Quand vint au soir à mon coucher Au cueur me vint une peDsée.

Ne me puis tenir de plourer, Quant je vis la chance tournée; Je vouldrois n'avoir esté née, Puis que j 'ay perdu mon amy, Ou que je fusse trépassée, Je croy qu'il en seroit marry.

Filles qui voulez faire amy, Las ! regardez ma destinée; [Ne le prenez pas si joly \Q-u'il vous laisse seule esgarée.

Je luy avois mamour donnée En pensant avoir bien choisy; Mais il m'a laissée esgarée, Pauvre fillette sans amy.

J'avois en luy tout mon cueur mis,

Le voyant à ma fantaisie,

Car autrefois m'avois promis

Qu'il n'auroit jamais d'aultre amye.

S'il est ainsi, Dieu vous doint vie

Et grâce de bien revenir,

Car moy qui suis la doulce amye,

Je n'attens chance de mourir.

Si fortune vouloit souffrir Ung beau matin à la rosée, Pour lui racompter ma pensée Que je parlasse à mon amy, Las ! j'en serois fort allégée Et m'osteroit d'ung grand soucy; Mais puis que si tost m'a laissée, Je croy qu'il m'a mise en oubly.

Amours, ennuicts me font mourir, Amy, puis qu'il faut que le die,

Quand j'ay de toi le souvenir Je suis en grand mélancolie.

Hélas ! amy, je te supplie Que tu ayes de moy mercy, Car si pitié n'as de ta mye, Le cueur auras trop endurcy.

Au boys de dueil je m'en iray Pour y laisser réjouissance, Un ruisseau de larmes feray Mettant joye en oubliance; En ressemblant à turterelle Qui a le cueur triste et marry, Quand elle a perdu sa pareille Sur branche seiebe va mourir.

Le noir il me convient choisir Sur toute couleur, pour livrée, Puis que j'ay perdu mon amy, Celluy qui m'avoit tant aimée.

De douleur suis quasi pasmée, Tant a navré mon pauvre cueur.

Je quitte le bleu pour livrée, Aussi toute belle couleur.

Adieu plaisir, adieu soûlas, Adieu toute réjouyssance, Plus ne puis avoir de soûlas, Car j'ay perdu mon espérance.

En luy avois ma confiance, Croyant à sienne bonnesteté, Je ne luy feis jamais offence, Par quoy il me dust délaisser.

Rossignolet du boys joly

Qui chante au boys sous la ramée,

Va-t'en dire à mon bon amy Que pour luy suis en grand parée, Et qu'il m'assigne la journée Et l'heure qu'il doit revenir, Car oncques nulle femme née N'eut tant de mal pour son amy.

Qui a faicte cette chanson, Ça esté une jeune fille En pensant à son bon amy, Dedans Lyon la bonne ville.

Tousjours vis en mélancolie, De doubte qu'elle a de son amy Qu'il ne fasse une aultre amie En un aultre estrange pays.