X. CHANSON NOUVELLE

Sur la prinse du chasteau de Villeine au pays de Pymont, et se chante sur le chant de : Quand je partismes de Gruysejpar ung lundy matin.

Monsieur de Montejan, Hardy comme ung lyon, A triumphé en armes Estant delà les nions,

En attendant les ennemis,

Désirant les combattre, Dont il estoit accompagné

De deux cents hommes d'armes.

Il a faict assavoir A monsieur le Dauphin Qu'il avoit entreprise Dessus ses ennemys, Dessus ses ennemys, Désirant les combattre; A donc il luy a envoyé

Bien deux cents hommes d'armes.

L'entreprinse fut faicte De Montejan aussi, Gens de pied en bon ordre, Gens de cheval aussi, Marchant toute la nuict A travers la rosée, En attendant le jour La clere matinée.

La nuict leur est faillie,

Le jour leur est venu,

Au chasteau de Villeine

Ils sont trestous venus En envoyant heraulx devant

Veoir s'ilz se veulent rendre.

A donc ilz leur ont respondu

Qu'ils tiendroient leur puissance.

L'entreprinse feut faicte Par monsieur le Dauphin, Presens nostre Grand-maistre Et Montejan aussi

De saluer noz ennemys

A coups d'artillerie ; A donc une bresche fut faicte

Dont ils eurent du pire.

Les trompettes sonnèrent Et les tambours aussi, Se jectent à la bresche Tuant nos ennemys.

Entrant dedans bien fermement Prindrent leur capitaine,

Qui fut pendu soubdainement

Sans en faire aucune enqueste.

Prions Dieu et sa mère Pour le bon Roy Françoys Et pour nostre Daulphin Et tout leur bon conseil,

Qu'il nous doint paix et bonne amour Au royaulme de France.

Parquoy chantons joyeulsement Vive la noble France.