XII. CHANSON NOUVELLE

Faicte sur la folle entreprinse des Flamans et

Bourguignons et se chante sur le chant :

Beuvons d'autant, ayons le cueur joyeulx.

Bourguignons avoient dit Par leurs fines cautelles Qu'ils yroient espouser La belle Péronnelle Et s'en yroient Par le mont Sainct Quentin Pour assiéger la ville Et pour la mettre à fin.

Retirez- vous arrière, Flamans et Bourguignons, Jusques aux Allemaignes Vous serez repoussés.

Ah comte de Nansot Plain de grosse cautelle Tu voulois espouser La Belle Péronnelle.

Elle a esté rebelle Et ta fort amorty A coups d'artillerie, Elle la très bien servy.

Retirez- vous arrière &.

Noble seigneur de Rux, Tu pers ta puissance; Tu estois lieutenant

De l'année de Flandres On te faict arrogance D'avoir perdu Hesdin; Cestoit nostre asseurance, La clef de nos pays.

Retirez-vous arrière &.

Il leur a respondu :

Pour toute récompense Allons droict à Sainct-Pol Si ferons la vengeance; Mettrons de la puissance Nombre de pionniers A raser les murailles, D'Arras je vous menray.

Retirez- vous arrière &.

Sont les bourgeois d'Arras Qui en font mocqueries, Disant : Monsieur Du Rux C'est chère marchandise; La pierre n'est pas fine Que la faict admener, Ce n'est pas pierre digne Pour la faire enchâsser.

Retirez -vous arrière &.

Les princes luy ont dict :

Tu prends folle vengeance D'estre si obstiné Contre le Roy de France.

Il aura recompense, Si la paix nous n'avons, Il donra bien la chasse A tous les Bourguignons.

Retirez- vous arrière &.