XIV. CHANSON NOUVELLE

Faicte sur le faict de l'assaiilt de Thérouenne; et se chante sur le chant de : Messire Anthoine de Beaulieu.

Thérouenne, noble cité, Pour le Roy ville de frontière,

Des Bourguignons fut assiégée Et battue d'horrible manière, Et par devant et par derrière Fut assailly de tous cotez ; Il n'y demoura voye auculne Que ne remplissent les fossez.

Les gentils hommes du Daulpbin,

En garnison dedans la ville, «

Et Monsieur de la Roche aussi

Avec sa noble compagnie ,

Et Sainct Brice, je vous affie,

Avecques plusieurs compaignons

Disant qu'ils osteroient la vie

A maintz faulx traystres Bourguignons

Ronsay, tu fus le bien venu Dedans Thérouenne la jolie, Nuict et jour tu t'y combattis, Aux Bourguignons feis fascherie ; Avec ta noble compaignie Qui y estoient avecqaes toy, Disant qu'ilz finiroient leur vie En faisant bon service au Roy.

Ce fut la nuict d'une Sainct Jehan Qu'il leur donneroit fort à faire, Eu bp.ttant portes et pontz levys En les pensant trestous deff aire ; Allemans crioient, hain, hain, Se jectoient dedans les fossés.

Mais je jure mon âme Qu'ils furent bien repoussez.

Monsieur de Ronsay, que Dieu garde.

Lors vous fistes très-bonne garde

Avec capitaine Brandad, Estant tousjours sur la muraille Criant aux Bourguignons : Quenaille, Vous ne entrerez pas dedans, Et n'y eust-il sur les murailles Que les Picards et les Normands.

Ils se battirent le jeudy

Disant qu'ils entreroient à grande foulle,

Baillèrent Passault au vendredy

Par la bresche de la Patroulle;

Les Allemans firent la poulie,

Quant ce vint à donner dedans,

Disant : Allons, tout est frelore,

Car nous avons trouvé nos gens.

Celluy qui fist ceste chanson Estoit normand, je vous affie, Bien accompagné d'ung Gascon Dans Thérouenne la jolye, En disant qu'ils ne craignoient mye Les Bourguignons aulcunement, Qu'ilz n'entreroient dedans la ville, S'ils ne la battoient bien aultrement.