XV. CHANSON NOUVELLE

Faicte sur le département de la Royne d'Ecosse, disant adieu à son père et à tous ses amys, et se chante sur le chant de : Vienne ce qui pourra venir, il ne m'en chault quoy ne comment.

Adieu mon père, mon amy, Adieu le noble Roy Françoys,

Donné vous m'avez un g mary Le prince et Roy des Escossoi*.

Aller me fault à ceste foys

Hors du pays Puisque m'avez donné mary.

Adieu mes frères et amys, Adieu vous dis piteusement; Les regretz que j'ay en celluy Qu'on a faict mourir meschamment.

Croyez tout véritablement,

Je vous le dy, Plus de mille sont mors pour luy.

Adieu Orléans, adieu Bloys, Adieu Rouen, adieu Paris, Gentils hommes, nobles bourgeoys, Toute la fleur de noz amys; Aller me fault à ceste foys

Hors du pays Puisque m'avez donné mary.

Adieu jeunes dames de choix.

Adieu demoiselles de pris, Chanté avons à haute voix Mainiesfois parmy noy amys; Maintenant entrez en soucy,

Puisque m'en voys, Adieu vous dy à ceste foys.

Aller nous convient par la mer A passer parmy les Angloys, Il y peult avoir du danger, Car elle est rude auculne foys.

A Dieu me confie toutesfoys

Voilà le sy, Et au Roy qui est mon mary.

Les regrets que j'ay au pays D'aller parmy les Escossoys, Je n'y enteus mot ne deniy, Sinon de parler bon françoys; Quand icy pense tant maintesfoys

Je dis ainsi :

Adieu mon père et mon amy.

Je prie le Dieu de Paradis Qu'il veuille appaiser la fureur Que tous royaulmes soient unis, Qu'il veuille amoderer le cueur Du Roy de France et l'Empereur

Soient bons amys.

Dieu nous doint à tous Paradis.