XVI. AULTRE CHANSON NOUVELLE

Sur les escoliers.

C'est la façon des jeunes escoliers D'estre amoureux, ils le sont volontiers.

Par leur beau parler

Ils se font aymer

Des dames en tous lieux,

Et de dancer légier,

Ils sont délibérés

Maulgré tous envieulx.

Helas ! ma mye, voyez comment Je vous songeoye tout rage en m'endormant. Belle, baisez-moy, Je vous accolleray.

Dieu face son plaisir, Tant que je vivray

Vostre amy je seray, Et deussé-je mourir.

Je vous salue, mon amy gracieulx,

De vos doulx yeux feray larmes et pleura

Tant que je vivray

A vous je me rendray

Humble et gracieulx,

De moy vous ferez

Ce que vous vouldrez

Quant nous serons tous deux.