XVII. CHANSON NOUVELLE

Faicte sur l'establissement du Connestable de France et se cbante sur le chant de : Adieu ma mye, adieu ma rose.

Peuple françoys, par courtoysie Resjouy-toy de cueur courtoys, A la court du Roy, nostre sire, A présent tout son bon conseil Le Grand-maistre ont establi.

A présent monsieur le Daulphin Connestable et grand amy Du noble roy des fleurs de lys.

A Moulins qui est bonne ville, Cest au pays de Bourbonnoys, Les queurs dames et damoyselles Sont venus pour veoir le bancquet.

Le Roy y estoit à présent Avecques monsieur le Daulphin, Qui le Grand-maistre ont estably Connestable des fleurs de lys.

Les joustes si furent dressées De par le Roy des fleurs de lys Et par le Daulphin de France Et de toute la cour aussi; Par quoy grand triumphe fut faict A la court du bon Roy Françoys, Du Grand-raaistre que ont estably, Le Connestable des fleurs de lys.

0 noble puissant Connestable A sure feustes fort hardy Avec le Daulphin de France Qui est de vos bons amys ; Par quoy vous allastes tout droict Environner vos ennemys ; Vous estes un des bons amys Du noble Roy des fleurs de lys.

Nous prierons pour le Roy de France,

Et pour monseigneur le Daulphin

Et pour toute leur alliance

Et pour toute la cour, affin

Qu'ilz nous puissent traicter la paix

Entre le Roy et l'Empereur.

Que l'Empereur soit bon amy

Au noble Roy des fleurs de lys.