XIX. CHANSON NOUVELLE

Faicte sur les dons et présentz que l'Empereur a faicts aux dames de France, et se chante sur le chant : Adieu ma mye, adieu

Gentils Françoys, par courtoysie Debvons bien Dieu remercier, Puisque j 'avons la paix jolye Que chascun de nous doibt aymer Les princes si sont rapaisez De leur grand yre et fureur, La paix ensemble ont traictez Le Roi de France et l'Empereur.

Le noble Sainct-père de Romme, Le lieutenant de Jésus-Christ,

A recommandé à deux personne Au Roy de France et l'Empereur, De se trouver sans nul desdit A Nice, ou ville en suyvant, Pour faire paix et bon édict Pour le prouffit de toutes gens.

Les accordances furent faictes De l'Empereur, qui est bon amy, Au noble Roy plein de noblesse; Pour récompense aura Hesdin, Savoye, la Bresse et Pymont Sans avoir de nul contredies.

Grâces à Jésus- Christ rendons, Puisque les princes sont amys.

Les dames allèrent par alliance A Villefranche droictement, En premier la Royne de France, Sans point trouver d'empeschement.

Femmes et filles et autres gens Et la Daulpbine en grand honneur A qui on fist de beaulx présens Par le vouloir de l'Empereur.

A la noble Royne de France A esté faict un noble don Et à la fille d'excellence Du Roy François premier du nom, Aux nobles dames de renom A brief on fist de beaulx deduys En leur donnant de nobles dons, Esmerauldes et beaulx rubis.

Et puis après vint Marguerite, Fille du noble Roy François,

Qui estoit sur toutes eslite, Gracieuse et belle à veoir.

L'Empereur luy fut fort courtoys En luy donnant de beaalx présens De pierres fines et cendaulx, Chesnes d'or et beaulx dyamans.

Noble Royne sur toutes choses Que chascun de nous doibt ayraer, Belle et bonne comme la rose, Par quoy l'on vous doibt bien louer, Car vous estes le vray piller Que doibvent aymer chrestiens, Nous en debvons remercier Jésus le père omnipotent.