XX. AULTRE CHANSON
Faicte sur les faicts de la guerre de delà les monts et se chante sur le chant : 0 maistre Anthoine de Beaulieu, tu te disois fils de La Marche.
De Suze nous sommes partis Cinq enseignes de compaignie, Ce fut pour saluer le Roy Avecques sa grand baronnie.
Honnestement le saluasmes De par Monseigneur le Daulphin Et aussi de par le Grand-maistre, Lorsqu'il estoit devant Thurin.
L'avant veille Sainct Nicolas
Que passâmes les grands montaignes
En desployant nos estandartz
En criant vive la France,
Car estions quatre bonnes bandes
En armes fort bien équipez
Pour passer toutes les montaignes,
Car nous en avons bien mestier.
Lendemain de Sainct Nicolas A Brianson nous arrivasmes, Accompaignez de Lansquenetz Et des Françoys à grandes armes, Et dedans la Aille entrasmes En desployant nos estendartz ; Monsieur de Lorge y trouvasmes Capitaine de gros estats.
Dans Brianson on séjourna A l'environ quatre journées Et en beuvant de ce bon vin Et en menant grand rusterie.
Car je vous jure et certifie Que nous estions bien équipez Pour saluer le Roy de France Lorsqu'il estoit en Daulphiné.
Avons trouvé le roy logé A Grenoble bonne ville, Lesquels joyeulx avons esté D'avoir trouvé sa compaignie.
Honnestement le saluasmes De par Monseigneur le Daulphiu Et aussi de part le Grand-maistre Lorsqu'il estoit devant Tburin.
Des nouvelles de delà les montz Je n'en sçauroys plus que rescryre,
Sinon que on espère la paix Ainsi que je le ay ouy dire.
Or prions Dieu, je vous en prie Pour le tres-noble Roy Françoys Et pour le bon Daulphin de France Et aussi pour tout son bon conseil.
Ung compaignon de Daulphiné La chanson a composé Qui Jehan Lescot se faict nommer De Grenoble la bonne ville ; Car je vous jure et certifie Que c'est un noble adventurier, Il a servy le Roy de France Las à tout ce qu'il a au mestier.
XXL AULTRE CHANSON
Sur le triumphe que les Dieppoys ont faict sur la rner et se chante sur le chant de : Marseille la jolie.
Les mariniers de Dieppe Us ont bien triumphe Pour le bon Roy de France Etant dessus la mer; Ils estoient équipez Tousjours en faict de guerre Contre les Allemans, Flamans, nos adversaires.
O noble capitaine
De Dyeppe de regnom,
Las tu as servy
De gentilz compagnons.
Les mariniers y sont Qui sont dans voz navires, Servant noz ennemys A coups d'artillerie.
Ils portèrent les chausses Doublées de taffetas Le sayon de sayette, Le pourpoint de damas.
Et puis ilz s'en yront Dessus la mer jolye Contre les ennemis Qui ont sur nous envie.
Neuf navires de Flandres Sont venus rencontrer Cinq navires de France De Honneur, port de mer, Lesquels ils ont clacqué A coups d'artillerie.
Les Dieppois sont venus Qui faisoient rusterie.
Les bons enfans de Dieppe Triumphans ceste foys Soustenant la querelle Du noble Roy Françoys, Et ont prins toutesfois Troys navires de guerre, Desquels ils ont honneur Tant par terre que par mer
Qui fist la chansonnette, Ung noble adventmier, Lequel est en Grenoble, Du lieu de Daulphiné;
Lequel l'a composée Pour l'honneur des vaillances Que les Dieppois ont faict Pour le bon roy de France.
