XXII. AULTRE CHANSON NOUVELLE

Puisque j'ay perdu mon amy, J'ay bien cause de soupirer ; j Je le regrette jour et nuict, Rien ne me vault le regretter.

Las ! se doit -on émerveiller Si j'ay le cueur triste et marry ; Jamais joye au cueur je n'auray, Tant que j'aye parlé à luy.

Sans dire adieu s'en est allé Hors d'avec moy par desplaisir.

La veille de Sainct-Honoré J'estois couchée avecques luy; De moy faisoit à son plaisir, Quant on vint à nostre huys heurter.

Ce fut bien à luy à courir, On le vouloit emprisonner.

Pas oncques puis je ne le veiz, Et si n'en ay ouy parler, Je prie à Dieu de Paradis Que de mal le veuille garder, Et qu'il le veuille ramener, Ou de bref me fauldra mourir, Ou vrayment je l'iray chercher Je ne puis plus visvre sans luy.

;i\ de vray que s'il sçavoit Que mon cueur eust tant de doulours, Que bientôt il s'en reviendroit, Fust-il à Lyon ou à Tours, Vrayment je feray tant de tours Pour venir si je le trouveray, J'auray grand joye de mes amours Si tost que trouvé je l'auray.

Nous ferons faire une tour, Moy et mon amy par amour ; Aux quatre pilliers de la tour Feray planter quatre esglantiers Où le gentil rossignolet Si chantera son gergonnet. Mon amy, aimez-moy autant Que celle qui vous veult avoir.

Rossignolet du boys joly, Le messager des amoureux, Je te prie, cherche mon amy, Celuy pour qui à glaive meurs; Dy luy que j'ay tant de douleurs Que je ne me puis soustenir Et fons en larmes et en pleurs Et le haste de revenir.