XXIII. AULTRE CHANSON NOUVELLE

Par un lundy matin, Devant soleil levant, M'en allay à Pontoyse Pour mieulx passer le temps Et ma mélancolie.

Je fus prins prisonnier

Des sergens de la ville (bis).

Quand fus dedans la ville, Chascun me regardoit, En disant l'ung à l'aultre :

Qui est ce mignon lay?

C'est le filz des trois Roy s, Le frère de la Naure.

On le gardera bien De plus battre personne.

Quand fus dedans la jaule

On m'apporta des fers

Pour mettre emmy mes jambes :

Ils estoient trop estroitz

Mais un gros Guichetier (bis)

M'en apportit bien d'aultres (bis).

Monsieur le lieutenant Voulut à moy parler ; M'envoye quérir en sa chambre Pour mieux m'interroger.

Il m'a interrompu De ne sçay quelz paroles.

Ne luy ay repondu (bis) Que toutes paraboles (bis).

M'a mis en une tour

Qu'on appelle Beaumons ;

Luy-mesme m'a osté

Une espée que j'avoye

Et deux demi testons (bis)

Et trois soulz en monnoye (bis).

Quand fus dedans la tour Je m'y prins à plorer,

Eu cuydant Dieu prier Et la vierge Marie, M'y vint ung souvenir (bis) De ma loyalle araye (bis).

Mis la teste aux fenestres, Veis mon père venir, Qui pleure et qui souspire Tant a le cueur marry.

Et qu'avez-vous, qu'avez ?

Dictes-le moy, beau sire ?

Tu m'y feras mourir (bis) Par ta meschante vie (bis).

Mes sœurs, aussi mes frères Tenez sur moy vostre blason Disant à la voilée Que mourray en prison.

Mais le très-bon regnom De ma loyalle amye M'en fera délivrer (bis) A ces pasques jolies (bis).

Rossignolet qui chantes

Par dessus l'olivier,

Va-t-en dire à ma mye

Qu'elle vienne à moy parler.

Pour la reconforter,

Dy-luy, va, je te prie,

Que je seray délivre (bis)

Se Dieu plaist ceste année (bis).