XXIV. CHANSON NOUVELLE

De la prinse de la ville de Suze.'Sur le chant de : Beuvons d'autant, ayons le cueurjoyculx.

Suzens, Suzens, où est vostre pensée,

Or, dictes, maintenant qu'estes en danger ?

Paovres Suzens mauldictz, Où est la renommée Que disiez par vos dictz Estre en vostre armée ?

Elle est bien tournée, Elle n'a gueres durée, Du haut en bas versée Par gens que je diray.

Suzens, Suzens, &.

Par les nobles Françoys Feustes mis en ruine Qui estoient si courtoys, Que nonobstant voz mines Déterminèrent Vous prendre à merey.

Devers vous envoyèrent Le seigneur de Poissy.

Suzens, Suzens, &.

Mais comme oultrecuidez Vous feustes fort rebelles, Ne vous voulant fier A la bonne nouvelle Qu'ils vous présentèrent A vos cueurs endurcis-

Par quoy déterminèrent Vous faire tous mourir.

jSuzens, Suzens, &.

Paovres gens sans raison, Où est vostre pensée De refuser tel don Par Françoys présentée ?

Ou estes vous Point mauldictes le jour Que ref usastes tous.

Suzens, Suzens, &.

Pour la conclusion,

Il y eut grand tuerie;

L'assault fut si très-bon

Sur la paovre Suzie.

Françoys gaignèrent

Le très-cruel assault ;

Les raisons le promisrent,

Leurs vices et leurs maulx.

Suzens, Suzens, où est vostre pensée, Or, dictes, maintenant qu'estes en danger?