XXV. AULTRE CHANSON

Faite sur le département de Madame la duchesse de Longueville, Royne d'Escosse, et se chante sur le chant : Las! que dit-on en France de Monsieur de Bourbon?

O noble Roy d'Escosse, Prince de grand honneur, Tu as en mariage Dame de grand valeur.

C'estoit d'une duchesse La dame de Dunoys, Fille du duc de Guyse, Royne des Escossoys.

C'est une noble dame

Qui a de bons amys

Qui sont plains de noblesse

Et de bonté aussi.

Hz sont venus en France

Mariage accomplir

Vers le bon Roy de France,

Le Roy des fleurs de lys.

Fut au Havre de grâce La dame s'embarquit, Disant : Adieu mon père Et tous mes bons amys, Et au bon Roy de France Et au Daulphin aussi; Je m'en voys en Escosse Vers le Roy, mon mary.

Adieu la fleur de France, La ville de Paris, Et Rouen bonne ville, Dunoys, mon bon pays, Et tout le sang de France Où sont tous mes amys; Je m'en voys en Escosse, A ce noble pays.

Adieu dames de France Et damoy selles aussi, Et toute la noblesse Du Roy des fleurs de lys.

Adieu Monsieur de Guyse, Mon père et mon amy ; Je m'en voys en Escosse Avecques mes amys.

Je prie Dieu de sa grâce Qu'il veuille à modérer Le cueur du Roy de France Et de son filz aisné Et toute la noblesse Du Roy et l'Empereur, Qu'ilz facent paix ensemble Sans plus avoir rigueur.