LE

11. Locutusque est Dominus ad Moïsen , dicens : 12. Loquere ad filios Israël , et dices ad eos: Vir cujus uxor erraverit, maritumque contemnens,

13. Dormierit cum altero viro, et hoe maritus deprehendere non quiverit, sed latet adulterium , et testibus argui non potest, quia non est inventa in stupro :

14. Si spiritus zelotypiæ concitaverit virum contra uxorem suam, quæ vel polluta est, vel falsa suspicione appetitur ,

15. Adducet eam ad sacerdotem , et offeret oblationem pro illa, decimam partem sati * farinæ hordeaceæ : non fundet super eam oleum , nec imponet thus: quia sacrificium zelotypiz est, et oblatio * investigans adulterium.