TRAITÉ

eschappe, s'il n'est bientost et promptement secouru. On luy a ordonné un restaurant de la cervelle d'un chien, mais il ne nous a esté possible en recouvrer un par toute la ville. Dont il m'a prié venir vers vous , chargé de ces chaisnes et bagues d'or, lesquelles il vous offre, vous suppliant luy donner vostre petit chien , afin que par vostre moyen il soit secouru en cest extrême danger, auquel il seveoit exposé. Lors elle respondit: Si vostre cousin me requeroit l'ayde de tout ce qui est en ma puissance et de mes amis, je m'employeroy librement en vostre faveur pour luy. Quant à mon petit chien, je le reserve pour le soulagement de ma vie. Vous voyez la famine nous menacer tous d'une cruelle mort, si le roy d'Espagne ne nous donne bientost secours ; dont je ne puy moins que de garder mon petit chien pour pareille nécessité que celle de vostre cousin, s'il plaist à Dieu l'envoyer. Et pource je vous prie m'excuser vers luy, et prier de ma part ne le prendre à la mauvaise part. Teiie response ouye, ledict prevost s'en retourne vers son cousin, sans avoir rien obtenu, lequel, à faute de secours, mourut la nuict suy vante.

Bientost après deceda une dame parisienne riche de trente mille escuz, après le decez de laquelle on descouvrit qu elle avoit mangé deux de