FAICTE EN FRANCE

DEPUIS 1576 J0SQUES EN l594.

L'ambition , l'envie , l'avarice, l'amour, la haine et la vengeance sont les sources ordinaires des ligues , la religion et le soulagement du public en sont les prétextes, les princes et les peuples en sont les victimes.

Celle qui fut faicte en 1 464 contre le roy Loys XI avoit pour prétexte le bien public : ceux qui l'avoyent tramée n'eurent pas plustost obtenu ce qu'ils desiroyent de ce prince que le public fut abandonné.

Le pape Jules II en fit une en 1 5 1 2 contre la France, elle fut nommée saincte, apparemment par le privilège particulier que les papes croyent avoir de communiquer leur saincteté à toutes leurs actions. Le véritable motif du souverain pontife estoit de se vanger de la France qui soubstenoit le concile de Pise contre luy.