Voyez p

e par lettres de Roume m'enpledait, dont mi sires li Rais volait en totes manières qe je les paasse ; e je li respondi qe Yolantiers les paeraie, se fere le deusse par drait, mes q'il vousist qe je me puisse défendre par drait, e qe nul avantage me feist plus q'il ne deverait faire a plus povre home de sa tere ; e ce mescondisait>il, e me dit assez de ledes paroles e de honteuses que sont dures a recordeir, e, la nuit maimes qe nos fumes venuz par son mandement a la feste des Relevailles ma dame la Raine ^ il comanda qe je fuisse pris e mené a la Tour de Londres e qe li cumuns de Londres fust semons por mai prendre a mon ostel ou j'estaie herbergez ; mes li Rais d'Alemaingne * qi la fu ne vout pas ce souffrir a celé nuit. E quant je vi sa grant ire, e qe nule reson ne volait oïr, je m'en parti du païs, e esloingnô s'ire entre mai e la contesse. Et il en totes fins volait qe cez deners fussent paez, e nule reson qi valair me peust, ne vout souffrir qe je moustrasse. E il, quant son corage fu assoagé, grant pièce après nostre départir d'Engleterre, dit q'il paerait les v^ mars, comme se fist-il, seue merci ; e les mil e v° mars fist-il leveir de ma terre en dure manière e a grant meschief de mai por la haste, e por ce qe j'estaie croisez e assez près por movair d'aleir outre mer, dont il me covint por ce meschief ma terre vendre e de ma forest, dont j'ei eu e ai unqores grant domache.

Mes, trais anz après ce fet, je fu revenu d'outre mer en Burgoingne', e par son mandement alai a li en Peitou, e il vout qe je demorasse aveqe H ; e je li dis qe j'estaie novelement venu d'outre mer e n'estaie mie aise a demorer, por pluseurs grevances qe j'avaie eues, dont li plus estaient par lui ; e il me respondi qe tant de deners com il m'avait fet paier de ma terre au conte Thomas q'autant me dorait, e demorasse ove li, e cent mars plus, qe l'en ne peust dire qe ce fu pur restorement de tort ne de domache q'il m'eust fet, quar issi le vout-il ; mes du domache que j'oi par acheson de ce qe ces deners furent si hastivement levez de ma terre nul restorement n'oi, dont le domache fu si grant por ma moete d'outre mer qe fu si hastive q'il me covenait une grant partie de ma terre vendre e de ma forest a grant meschief e por assez mains q'ele ne valait.