THE DAYS OF HIS VANITY
Grand Testament xxvi.
Hé Dieu! se j’eusse estudié,
Au temps de ma jeunesse folle,
Et à bonnes meurs dédié,
J’eusse maison, et couche molle.
Mais quoy ! je fuyoye l’escole, Comme faict le mauvays enfant.
En escrivant cette parolle,
A peu que le cueur ne me fend.
Le dictz du Saige trop le feiz Favorable, et bien n’en puis mais, Qui dit, ‘Esjouys toy, mon filz,
A ton adolescence, mais Ailleurs sers bien d’ung autre metcz; Car jeunesse et adolescence (C’est son parler, ne moins ne mais), ‘Ne sont qu’abbus et ignorance.’
Mes jours s’en sont allez errant Comme dit Job, d’une touaille Et des filetz, quant tisserant Tient en son poing ardente paille ; Car s’il y a un bout qui saille, Soudainement il le ravist.
Si ne crains plus que rien m’assaille, Car à la mort tout s’assouvist.
Specimens of French Liter attire.
Où sont les gracieux gallans Que je suyvoye au temps jadis,
Si bien chantans, si bien parlans,
Si plaisans en faictz et en dictz?
Les aucuns sont mortz et roydiz,
D’eulx n’est il plus rien maintenant.
Repos ayent en paradis,
Et Dieu saulve le remenant.
Et les aucuns sont devenuz,
Dieu mercy, grans Seigneurs et Maistres : Les autres mendient tous nudz,
Et pain ne voyent qu’aux fenestres.
Les autres sont entrez en cloistres De Celestins, et de Chartreux,
Bottez, housez, com pescheurs d’oystres, Voyla l’estât divers d’entre eulx.
Aux grans maistres Dieu doint bien faire, Vivans en paix, et à recoy.
En eulx il n’y a que refaire:
Si s’en fait bon taire tout coy.
Mais aux pauvres, qui n’ont de quoy, (Comme moy) Dieu doint patience.
Aux autres ne fault qui ne quoy,
Car assez ont pain et pitance.
Bons vins ont souvent embrochez,
Saulces, brouëtz et gras poissons:
Tartres, flans, œufz fritz et pochez, Perduz, et en toutes façons.
Pas ne ressemblent les maçons Que servir fault à si grand’peine;
Ilz ne veulent nulz eschançons,
Car de verser chacun se peine.
Philippe de Comines.
En cest incident me suys mys,
Qui de rien ne sert à mon faict.
Je ne suys juge, ne commis,
Pour punyz n’absoudre meffaict De tous suys le plus imparfaict.
Loué soit le doulx Jésus-Christ.
Que par moy leur soit satisfaict !
Ce que j’ay escrit, est escrit.
