Le reste. — 2. Pour moi. '— 3. Très-riche. — 4. Fortune

eust présenté ces six Bourgeois au Roy, ils s'agenouillèrent, et dirent à jointes mains : «Gentil Sire Hoy, veez nous ici six, qui avons esté Bourgeois de Calais, et grans marchans; si vous apportons les clefs de la ville et du chastel, et nous mettons en vostre pure voulonté, pour sauver le remanant du peuple de Calais, qui a souffert moult de griefs. Si veuillez avoir pitié et mercy de nous, par vostre haute noblesse. »

Lors plorerent, de pitié, les Comtes, Barons, Chevaliers, et autres, qui illec * estoyent assemblés à grand nombre. Le Roy regarda sur eux très depitement^. Car moult hayoit' le peuple de Calais, pour les grands contrariétés et dommages que le temps passé sur mer luy avoit faits. Si cotnmanda qu'on leur trenchast les testes. Tous prioyeDt au Roy, si acertes * qu'ils pouvoyent, qu'il en vousist avoir mercy, mais il n'y vouloit entendre. Lors Messire Gautier de Manny dit : « Haa, Gentil Sire, vueillez refréner vostre courage^; vous avez la renommée de souveraine noblesse. Orne veuillez faire chose, parquoy elle soit amendrie, ne qu'on puisse parler sur vous en nulle vilennie. Toutes gens diroyent que ce seroit cruauté, si vous faisiez mourir si honnestes Bourgeois , qui de leur voulonté se sont mis en vostre mercy, pour les autres sauver.» A donc guigna le Roy, et dit : «Soit fait venir le coupeteste. Ceux de Calais ont fait mourir tant de mes hommes, qu'il convient ceux-ci mourir aussi. » Â|donc la Royne d'Angleterre (qui estoyt moult enceinte) se meit à genoux en plorant, et dit : «Haa, (Gentil Sire, depuis que je rappassay la mer, en grand péril, je ne vous ay riens requis. Or vous prie humblement en don, que pour le fils Saincte- Marie, et pour l'amour de moy, vous veuillez avoir de ces six hommes mercy. » Le Roy la regarda, et se teut une pièce', puis dit : «Haa, Dame, j'aimasse mieux que .vous fussiez autre part que cy; vous me priez si acertes, que je ne vous puis éconduire ; si les vous donne à vostre plaisir* 9 Lors la Royne emmena ces six Bourgeois en sa chambre; si leur fit ester les chevestres' d'entour le col, et les fit revestir, et disner tout à leur aise. Puis donna à chacun six Nobles, et les fit conduire hors de l'ost', à sauveté.

(Hist. et chronique de Messire Jehan Froissart, ehap. cccxx et cccxxi.)