SCENE PREMIERE

THEODORE, Infante; CASSANDRE.

Théodore.

ENFIN, si son respect ny le mien ne vous touche, Cassandre, tout l'Estat vous parle par ma bouche : Le refus de l'hymen qui vous soumet sa foy Luy refuse une reyne et veut oster un roy ; L'objet de vos mespris attend une couronne Que desja d'une voix tout le peuple luy donne, Et, de plus, ne l'attend qu'afin de vous l'offrir: Et vostre cruauté ne le sçauroit souffrir ?

Cassandre.

Non, je ne puis souffrir, en quelque rang qu'il monte, L'ennemy de ma gloire et l'amant de ma honte, Et ne puis, pour espoux, vouloir d'un suborneur Qui voit qu'il a sans fruit poursuivy mon honneur; Qui, tant que sa poursuite a creu m'avoir infâme, Ne m'a point souhaitée en qualité de femme,