ACTUS IL SCENA I

LIBANUS.

Hznacrr vero, Libane, nunc te meliu'st expergiscier,

Atque argento comparando fingere fallaciam.

Jam diu est factum quom discesti ab hero, atque abiüsti ad forum:

. Igitur, inveniundo argento ut fingeres fallaciam.

Ibi tu ad hoc diei tempus dormitasti in otio.

Quin tu abs te socordiam omnem reice, et segnitiem 'amove ;

Atque ad ingenium vetus versutum te recipis tuum.

Serva herum : cave tu idem faxis, alii quod servi solent,

Qui ad heri fraudationem callidum ingenium gerunt.

Unde sumam? quem intervortam? quo hanc celocem conferam '? |

Inpetritum , inauguratum'st ; quovis admittunt aves”.

Picus et cornix est ab laeva; corvus porro ab dextera.

Consuadent : certum hercle est, vostram consequi sententiam.

Sed quid hoc, quod picus ulmum tundit ? non temerarium'st : |

Certe, hercle, ego quantum ex augurio auspicii intellego,

Aut mihi in mundo sunt virgae, aut atriensi Saureac.

Sed quid illuc, quod exanimatus currit hic Leonida?

Metuo , quod illic obscaevavit! meae falsae fallaciae.