SCÈNE III. — LE GENTILHOMME, AGNÈS, JULIEN, L'ADVOCAT
Le Gentilhomme
Madame, pour le bon amour Que je vous porte, asseurez vous Tant de moy, que j'auray tousjours Cinquante escus pour subvenir A tout cela, et maintenir Vostre bon droict,
Agnès
En vérité Jamais je n'ay tant mérité Qu'il vous plaist me faire d'honneur; Mais je promets la foy. Monsieur, Que, tant que je vive, j'auray Mémoire de vous, et seray Preste à vous faire tout service.
Le Gentilhomme
Croyez que, s'il y a justice En ceste ville, ell' sera faicte.
Agnès Las ! c'est tout ce que je souhaite.
Le Gentilhomme
Et lors vous pourrez aisément Me donner le contentement.
Agnès
Monsieur, vous sçavez que je suis Preste à faire ce que je puis.
Julien
C'est bien à cest' heure qu'il fault
Se présenter à un assault,
Et, qui plus est, tost s'avancer.
L'Advocat , Je voy bien que tu veux gosser *',
Julien
Gosser, Monsieur? non fay, par dieu, Car moymesme je viens du lieu Où il y en a d'estonnez.
Le Gentilhomme
Si seront-ils désarçonnez.
Tant Josse que l'Italien :
Car nous avons sceu le moyen Comment il fauldra désormais Nous y conduire.
Julien
Si jamais Il fut besoing d'entendement.
Il en fault avoir maintenant Et ne se monstrer endormy.
LES ESBAHIS
L'Advocat
Au besoin cognoist on l'amy.
Je vous pry', cousin, hastons-nous.
Le Gentilhomme
Nous n'avons que faire de vous En cest endroit : laissez-moy faire; Allez- vous en.
L'Advocat
Pour vous complaire, Je le feray; mais je vous prie.
En tant que vous aimez ma vie.
Le Gentilhomme
N'est-ce pas assez? Julien, Vien avec moy.
Julien
L'Italien Est arresté en vostre place, Et a desjà un long espace Débatu encontre Gérard.
Le Gentilhomme
Qu'il s'en torche le nez, sa part Est fricassée.
L'Advocat
Et les nouvelles De toutes ces belles querelles, Comment les sçauroy-je?
Point, point; Je n'en laisseray pas un poinct.
JACQUES G RÉ VIN 2oG
L'Advocat
Mais escoutez : sur toute chose De Madelon, je m'en repose Sur vous.
Le Gentilhomme
Voylà un amoureux !
Est si craintif et si doubteux, Qu'encore ne peult-il cognoistre Ce qu'il voit devant soy.
Julien
Mon maistre A si bien l'amoureuse rage, Qu'il ne croit Dieu que sur bon gage.
Le Gentilhomme Allons, madame Agnès, allons.
Julien
Elle est du mestier, les talons Me le monstrent assez.
Agnès
Monsieur.
Je remets sur vous mon honneur.
