CIL DU SEC-ARBRE

Segneur« or le tenés moult bien , Et je tenrai le Mahommet.

LI ANGELES

A I chevalier qui chi gisiés.

Corn par estes bon éuré !

Gomme or ches euvres despisiés Le mont où tant avés duré !

Mais pour le mal k'éu avés , Mien ensiant , très bien savés Quels biens chou est de paradys^ Où Diex met tous les siens amis.* A vous bien prendre garde doit Tous li mons et ensi morir.

Car Dieus moût douchement rechoit Chiaus qui o lui vœlent venir.

Qui de bon cuer le servira Jà se paine ne perdera, Ains sera es chiens couronnés De tel couronne comme avés.

LI PREUDOM.

Sains Nicolais, dignes confès, De vostre home vous prende pès ; Soiés-me secours et garans; Bons amis Dieu, vrai conseilliere, Soies pour vostre home veilliere ; Si me vvardés de ches tirans.

LI ANGELES

Preudom qui si ies efferés, Soies en Dieu preus et sénés; Se t'enmainnent chist traïlour, N'aies paour, con nul paour; En dame-Dieu soies bien chiers, Et en saint Nicolai après ; Car tu aras sen haut confort, S*en foy te voit séur et fort.