SECOND ACTE

I . Araspe s'entretient dans vne solitude des violences de sa passion, et voyant venir Panthée à la promenade fait semblant d'escrire sur des tablettes. 2. Panthée parle à Charis de Timpatience qu'elle a de revoir Abradate; Et luy fait le récit d'vn songe qui Tespouuente; Charis la console de cet ennuy, et toutes deux aperçoiuent Araspe escriuant. 3. Panthée luy donne lieu sans y penser de luy descouurir son Amour, puis s'en offense; proteste de s'en plaindre, et laisse Araspe au desespoir.