SCENE II

FAVSTE, CORNELIE.

CORNELIE.

Adame, vos soubçons ne sont pas mal conceus, On vient de m'informer pleinement là-dessus; Chrispe brusle d'Amour pour la ieune Constance, Et mesme leurs esprits sont en intelligence.

FAVSTE.

Quoy! Chrispe aime Constance? et Ton s'en aperçoit?

CORNELIE.

Il luy rend tous les iours des soins qu'elle reçoit.

FAVSTE.

Croit-il innocemment que Constantin Tendure?

CORNELIE.

L'estroite parenté leur sert de Couuerture : Visitant la Princesse en cette auersité Son Amour peut passer pour générosité.

FAVSTE.

Nous leuerons le masque à sa trompeuse flame :

Nous sçaurons esclairer iusqu'au fonds de son Ame,

Et nous luy ferons voir, s'il prétend s'echaper,

Qu'il est trop ieune encor pour nous vouloir tromper.

Mais pourroit-il aimer vn fardeau pour la Terre?

Vn funeste débris des malheurs de la Guerre?

La fille d'vn Tyran qui vit sans équité?

D'vn monstre furieux que nous auons dompté?

Qui t'a donc apporté cette belle nouuelle?

Léonce mon Neueu qui suit Chrispe chez elle,

Et qui va de sa part enchanter ses ennuis,

Luy portant, les matins, ou des fleurs, ou des fruicts,

Et qui l'a veu souuent aux pieds de cette belle

Mesler ses pleurs aux siens, et se pleindre auec elle.

DE CHRISPE. 27

FAVSTE.

Puisque sur ton parent tu prends tant de pouuoir, Fay qu'il t'aprenne tout, et me fais tout sçauoir.

CORNELIE.

Lors que ie suis entrée, il me venoit d'aprcndrc

Que ce couple d'Amans icy se venoit rendre,

A dessein de vous voir, et vous solliciter

De destourner les maux qu'il espère esuiter.

Et sans doute aujourd'huy que le Conseil s'assemble.

Apres vous auoir veuë, ils y viendront ensemble.

FAVSTE.

Ils n'ont pas mis encor mon esprit à leur point,

le les seruiray fort, ie n'y manqueray point.

Il auroit toutefois à combatre l'orage,

Si l'aproche du port dépend de mon suffrage :

Mais les voicy venir qui se parlent tout bas,

Ils ont mal pris leur temps, ils ne me verront pas.

^r A \*j \!/ xtr \îbr T*r itf \tr i$r A A iS/ \tf A A