THÉÂTRE
OU sont introduicts troys personnages, assavoir : l'Indiscret , le Discret et Amour.
p, 69 L'indiscret commence
HelasI
Le Discret
Pourquoy helas ?
L'Indiscret
J'ay perdu mon soûlas.
Donc ne me tient de rire.
Le Discret
Mais qui vous rend si las ?
Il vous convient le dire.
L'Indiscret
Regret si fort me tire Et mon cueur tant martire Que Mort presque m'attire Soubs ces ennuyeulx lactz.
HelasI
Le Discret
Pourquoy helas ? lo
L'Indiscret
J'ay perdu mon soûlas, Donc ne me tient de rire.
Le Discret
Ung homme qui souspire Et jusque a mort expire Pour ung grief mal caché 15
p. 70 Et ne le veult pas dire ,
Pou luy vauldroit le myre ;
Pourtant dictes , beau sire ,
Le mal qui vous empire ,
Ou vous faictes péché. 20
L'Indiscret
Ainsi qu'au feu la cyre , Mon cueur confond en yre.
Le Discret
Je ne sçay ung mal pire ; Toutes foys je m'admire De quoy estes touché. 23
L'Indiscret
De mort.
Lb Discret
C'est bien presché.
De mort vous n'estes enteché , Car , bien visité et cherché , Vous n'avez pas playe apparente.
L'Indiscret De mort d'amy suis empesché , 30
Tant forclus et en sens bouché Que , soit debout ou soit couché , Tousjours mon esprit est fiché En ung regret qui me tourmente.
/). 71 Le Discret
A ung regret qui vous tourmente ? 35 C'est a tort qu'en soyez fasché ; Gardés donc que plus il augmente , Car celuy qui meurt prend la sente De vie , qui l'ame contente Trop myeulx que la vie présente , 40 Soit que mort ayt le corps séché.
L'Indiscret
Puys qu'avons ce poinct approché , Sur ce pas fault que je l'augmente
En prouvant qu'a droict je lamente Pour mon amy mort trébuché. 45
Le Discret
Lamenter n'est point reproché , Mais la plaincte trop véhémente ; De plorer Nature nous tente , Mais Raison et Foy nous restrainct.
L'Indiscret
Ray son et Foy ?
Le Discret
Ouy , soubz l'attente 50 Du bien que main omnipotente Donne au mourant de grâce ceingt.
L'Indiscret
p. 72 Mais qui meurt est il pas estainct ?
Le Discret
Ouy dea , qui meurt , mais non pas
[l'homme ,
Car en luy est mon Esprit sainct 55
Immortel , qui par grâce vaincq •
La Mort qui toute beste assomme.
L'Indiscret
Que faict donc la Mort ?
34 qui meurt est suppléé.
Lb Discret
Elle estainct Tant le corps que l'esprit el somme Monter au ciel , ou il attainct 60
Par Jesuchrist qui tout consomme.
Or doncques l'homme qui s'asomme De pleurs et de plainctz pour les mortz Ydiot et bien fol je nomme , Veu que l'Esprit sainct monstre comme 65 L'ame sera remise au corps.
L'Indiscret
L'ame sera remise au corps ?
Qu'esse que vous appelez ame ?
N'est ce pas ung esprit concordz , Ung cueur vivant sans nulz discordz, 70 Finissant , selon mainctz recordz , Avec le corps que tant il ame ?
p 73 Le Discret
C'est abuz et erreur infâme :
L'ame de soy est immortelle ,
Tant en l'homme comme en la femme. 75
L'Indiscret
Ta paroUe bien fort m^enflamme ;
60 elle.
Pourtant , je te pry , ne me blasme
Sy j'ay proféré ung tel blasme
En disant l'ame estre mortelle ;
Ma douleur pour certain est telle 80
Qu'il m'est advis que tout se passe ,
Entendu que mort naturelle
Oste la vie corporelle
De cil qui estoit en ma grâce.
O mal !
Le Discret
Non, mais bien, qui compassé 85 L'heur parfaict d'immortalité.
L'Indiscret
N'est point la mort qui nous menace Vray effect de calamité ?
Le Discret
Mais plustost l'efFect qui efface
Des hommes la pénalité. 90
L'Indiscret
p. 74 Que dictes vous ?
Le Discret
L'homme alitté De peine chacrin et soucy ,
81 ce passe, — 85 Non est suppléé.
Lorsque de Mort il est cyté ,
Pour monter droict en la clarté
Des bons avec félicité , 95
Son malheur il congnoist transcy.
L'Indiscret
Seroit ce curiosité
Demander par nécessité
Sy touts y vont , bons et maulvais ?
Le Discret
L'homme plain de parversité loo
Se damne en pertinacité , Et l'humble au ciel s'en va en paix ; Pourtant ne te fasche jamais Sy la Mort tes amys semond.
Sainct Paul n'a point doubté son fait, 1 05 Congnoissant que tous les parfaictz Auront lieu en l'éternel mont.
Le vray crestien se confond Qui tousjours veult vivre en ce monde ; Mourir fault , puisque Mort diffond 1 10 Le bien que Jesuchrist nous fonde.
p. 75 Ha dict Sainct Paul : « La chair immonde
94 la m.
» Je désire laisser aux vers
» Pour estre en la vie seconde
» Avec mon Dieu, duquel redonde 115
» Gloire et amour , qui nous diffonde
» Les honneurs d'Adam recouvers. »
L'Indiscret
Tu m'inbues de motz couvers Que je ne puis au vray entendre.
Le Discret
Pas ne te seront descouvers 120
Sy la foy tu ne veulx comprendre , Car c'est celle qui faict apprendre L'homme a bien vivre et bien mourir.
L'Indiscret
Tu me faictz en ton dict descendre Et en ton vouloir condescendre 125
Tant que ne sçay quel chemin prendre , Car mon dueil je ne puys couvrir ; Je ne puys aussi recouvrir Le moyen d'avoir ceste foy.
M'en fault il mon trésor ouvrir Pour l'avoir ?
128 puyis.
Le Discret
Non , mais recourir 130
p. 76 Te fault en Dieu.
L'Indiscret
En Dieu ? Pourquoy ?
Le Discret
El vient de luy et en est roy ; Il la donne au moyen d'amour.
L'Indiscret
Certes donc malheureux me voy 135 Qu'en Dieu fermement je ne croy , Ensuyvant sa grâce et sa loy Qui reluisent comme le jour.
Le Discret
/ Amy , ne faisons long séjour ;
Sy tu veulx sçavoir ce secret , 140
Allons vers Amour sans regret.
L'Indiscret
Mais ton nom ?
Le Discret
Mon nom ? Le Discret
131 En Dieu est suppléé au second hémistiche. — 134 Elle. — 142 Mon nom est sut)plée.
L'Indiscret
Et moy, l'Indiscret par nature, Qui n'a foy ny entendement , Ny espoir qui bien me procure , 145
Car des biens du ciel n'avoys cure , Ains voulloys vivre en mon ordure p. 77 En ce monde tant seulement.
Le Discret
O terre , o ciel , clair firmament !
Tant plusieurs s'abuzent au monde 150 Faulte d'entendre saynement Leur bien , que vérité diffonde , Dont fault qu'enfin l'homme confonde Avec son vice briefvement.
L'Indiscret
De le croyre sy simplement, 155
Ce ne sera pas ma personne.
Le Discret
Pour t'en donner bon jugement , Voycy Amour qui tout ordonne.
L'Indiscret
Me montrera il bien comment
139 bien est suppléé.
Par erreur la mort sy m'estonne ? ibo
Le Discret
Craindre la mort est chose bonne , Mais rigler la fault par raison ; Aucun de nous nul mot ne sonne Tant qu'Amour ayt faict oraison.
78 Amour
Qui veult sçavoir mon nom , par excellence 165 Je suys Amour parfaict , pudicq et saint , Qui , de mon bras , sans quelque violence La cruaulté des elementz retrainct ; C'est moy, c'est moy qui fiére guerre vaincq Et qui pour bien mectz la paix sur les champs; 170 C'est moy qui tient , qui environne et ceing Le cueur chrestien , de vifve foy attainct, Du nombre eslu des esleuz de mon oing , Qui vont ma foy en vérité preschans.
Entendez donc, prestres, nobles, marchans:i75 Je suys Amour divin et pasiphique , Non cest Amour dont sont tenus les champs Mille foys myeulx qu'en dict evangelicque ; Je suis Amour, que vérité praticque ; Je suis Amour , qui mort conterre et casse , 1 80 Car, soit qu'aucun de son dard elle picque,
Pour son loyer , en mon hault lieu celique Je fais monter au moyen de ma grâce
p. 79 Le Discret
Escoute mot qui soulace
Et embrace Le cueur du sacré chrestien ; 185
A ce mot il ait menace
Ou audace ; Ma foy , il n'y a que bien.
Or approche toy et vien , 190
En maintien D'hom qui veult salut avoir ; Escoute de cueur, retien
Son dict sien Et en faitz bien ton debvoir ; 195
Supply que puisses sçavoir
Son pouvoir ; Je sçay qu'il te l'apprendra , Sy qu'en fin bien pourras voir Que constant il te rendra. 200
L'Indiscret
Helas ! il me reprendra
183 le mot. — 192 d'homme. — 193 et retien.
D^erreur ou de trop cuyder ; Conte de moy ne tiendra, Me faisant soubdain vuider.
Le Discret
Amour ne nuict, mais veult ayder ; 205 p. 80 Sa loy n'est que de charité ;
Tu luy peulx bien tout demander ; Il t'en dira la vérité.
L'Indiscret
O vray Amour , sy en sévérité
Je viens vers toy pour avoir don de foy, 210
Ne me demonstre aulcune austérité ,
Considéré que doulceur gist en toy.
On dict par tout que tu es le grand roy
D'heureuse paix et de dilection ;
Or gecte donc ton doulx regard vers moy 213
En supportant mon imperfection.
Amour
Je congnoy bien la tienne affection ,
Qui est d'Amour la foy en ton désir ,
Pour abismer l'ennuyeulx desplaisir
Qui te détient pour ung tien amy mort ; 220
Ma doulce voix escoute en bon loisir
Et lors la foy viendra ton cueui saisir,
203 Et conte. — 204 Et me fera.
Ton dueil chassant , qui sans fin te remort. Foy par l'ouye entre au cueur, par l'accord Il Et par la voix de ma parolle saincte ; 225
Or entends donc : Dieu n'a point faict la mort , Mais c'a esté le péché qui touts mord Et le péché par l'homme a esté faict ; Ce non obstant , par moy, qui tout reffaict , En croix mourant vainq le péché de l'homme , 230 Et mort j'échange en souverain effect , En doulce vie , ou l'homme est satisfaict , Pourveu qu'en moy touts ces œuvres consomme. Mort ne destruict ce qu'elle estainct et somme , Car en moy est , après mort , tout vivant ; 235 Ce tout , j'entends ceulx resveillez du somme , De vil péché , car tout homme suyvant Touts ses plaisirs, n'ayant cure de bien , Avecques moy certes il n'aura rien.
Fuyr le mal il fault, suyvant ma grâce , 240
Car c'est moy seul qui les péchez efface. Cela poursuy et très bien entendu , L'homme ne doibt en soy estre esperdu , Voyant mourir ung chrestien en le foy , Veu que heureux sont ceulx qui meurent 245
[en moy.
226 le mort. —227 Sa esté . — 230 Vainqz. — 238 Tout ces. — 239 Avec. — 244 la est suppléé.
L'Indiscret
O sainct Amour , maintenant je le croy ; Plus je ne doubte en cela que doubtoye.
Amour
Du vray chrestien qu'en foy mourir tu voy Dedans ton cueur t'en fault avoir grand joye . 230 Non pas courir sottement par la voye , Dansant , chantant , ains avec modestye Te retirer a la bonne partye.
L'Indiscret
Voyant mon ame a l'esprit convertye
Et la chair morte en sa fragilité ,
Je sens en moy toute grâce impartye , 255
Monde confus et sa subtilité.
Amour divin , par son agillité ,
Est le moyen et cause de ce bien ,
Car sans Amour toute chose n'est rien ,
Et mort n'est mort au lieu ou il prend place , 260
Ains, sur la mort, pour le juste chrestien
Mourir est vie , et vie est don de grâce.
Rien sans l'esprit.
FIN
261 Ains sur la mort au juste chrestien.
EJol 236 MORALLITÉ A SIX PERSONNAGES ,
^ c'est a savoir :
Natuu , Amour,
LoY DE Rigueur, Loy de Grâce,
Divin Pouvoir, La Vierge.
Nature commence
Est il a moy pouvoir narer ou dire
Le deuil que j'ey d'estre tumbé en lyre
Du Souverain par mes propres mefaictz ?
Est il a moy y pouvoir contredire,
Veu que Péché , que Dieu voulut mauldire , 5
De plus en plus m'a gravé de son faictz ?
Sy par la Loy tous mes sens sont defaictz ,
Je ne pouroys sans Grâce aulcun bien faire
En tant que Grâce abisme les forfaictz
Des vrays croyans , en vray amour refaictz 10
Par l'œuvre sainct que Mort ne peult deffaire.
Or m'a Orgueil de ce lyen faict distraire ;
Sans Grâce suys , dont Péché de moy sort ;
Je ne puys donc de ce lyen me retraire
3 propos. — 12 se lyen.
Ï38 II. MORALLITÉ
Sy cest Amour divin ne me vient traire , 13 Car seul yl peult , par desus mortel sort , Tous mes enfans conceups en lict de Mort , Ou suys envers gisant par forfaicture.
Mon pouvoir donc certainement est mort Puys que Péché incessament me mort 20
Et que je n'ay de Grâce l'ouverture.
,Cent mile maulx en moy , qui suys Nature , Par mon transgrectz ont esté congregés ; J'ey pour clarté sans fin la nuict obscure , Deuil pour plaisir , qui sans fin me procure 25 Mort, ou mes sens ont esté obligés j De moy je voy les grans biens segregés Et de mon cœur la force aneantye , Car près de luy mes advers sont rengés Pour luy tolir , ainsy comme aragés., 30
De tout son bien la meilleure partye ; Fain me détient , Frayeur m'a amortie ; Froid , Maladye et Langueur sy m'asaillent ; Je vis en mort et sy meurs en la vye. Ma propre cher vers l'esprit y envye , 35
Et sans finer contendent et bataillent. Ainsy en sont mes filz qui de moy saillent ,
32 detien.
Tous mors conceups avant qu'au monde naistre:
Loy et Péché les coupent et détaillent
Et dessus eulx s'engravent et entaillent , 40
Maulx dont ne say le plus petit descroistre !
O puissant Dieu , souverain et grand maistre ,
Dieu plain d'amour , helas ! et quand sera ce
Que me feras tout a plain recongnoistre
Le cler rayon de ta luysantc grâce? 45
Loy de Rigueur
Nature , quoy ? N'entens poinct qu'il se face Ce que tu quiers , puys que suys près de toy ; Un bien sy grand ne permectroys en face , Car ma rigueur , qui ton esprit efface , En defidence el te metra par moy : 50
Trop hardiment tu ofensas ton roy En transgressant son sainct commandement. Avant ce temps n'y avoyt poinct de loy , Mais le seigneur pour esprouver ta foy T'avoit baillé un petit mandement 35
fol. 2^-] Dont ton dur mors causa soudainement
Mon croistre a plain au meilleur de ton cœur , Tant qu'a la fin le tien entendement Fut suffoqué par craincte du tourment ,
47 Se. — 53 se.
I40 II. — MORALLITÉ
Et tous en toy boyvent telle liqueur. 60
Nature
Dy moy ton nom.
LoY DE Rigueur
Je suy Loy de Rigueur , Qui ton péché incessamment te monstre , Par quoy tu n'as nule force ou vigueur , Ains es tousjours en tristesse et en pleur, Sy quelque espoir ne se poulse en l'encontre. 65 Grâce du ciel me pouvoit faire contre ; Mais je ne crains que sur toy el descende , Car, sy Justice un tel forfaict remonstre , Permectra Dieu que Grâce te delfende ?
Povre Nature , y fault que tu entende 70
Que suys la Loy de Péché et de Mort ! Ne t'esbahys sy n'a. vaine qui tende Fors qu'a la Mort ; c'est pour payer l'amende De ton forfaict , qui la grave tant fort. Ton corps gisant dedens ce lict ou Mort, 75 Dont humains sont mors en concept produitz , C'est par Péché qui en l'instant les mord ; A celuy faict tu le maine et conduictz.
61 la Loy. — 64 est. — 75 se lict ou la Mort,
Je suys la Loy de Rigueur , qui reduictz Péché en face après le dur transgrès , 80
Et ne me chault sy pleurs et plains tu suys. Sans poinct finir seray auprès ton huys , Desoubz mon joue te tenant de bien près ,
Nature
0 povre coeur, sy n'es plus dur que un grès, Fens d'aspre deuil , afin que je defïîne ; 85 Ce m'est ennuy suyvir tant de regrès , Veu que mon mal par iceulx ne se fine. La Loy me danne et la Mort m'est afine ; Je n'ay en moy que peinnes et tourmens ; Voyla comment , par Péché qui me myne , 90 Infirme suys et sans nus sentimens.
Divin Pouvoir
Cielz lumineulx ! vous , aultres elemens , Tremblez soublz moy en oyant ma paroUe ! Je suys qui suys par mes haultz jugemens ; Orgueuil j'abaise et les humbles j'extoUe ; 95 Je suis sans temps ; aucun ne me recolle
142 II. MORALLITÉ
Du prétérit : tout m'est présent en face
Et de par moy rien n'est qui ne se face ;
Tout meurt sans moy et tout en moy a vye ;
Je suys par tout en ma force asouvye loo
Et tout j'enclos et comprens de mes mains.
Je suys seul Dieu , père de tous humains ,
En tout, sur tout , fin et commencement ,
Sur tous les cielz régnant infiniment ;
Je suys le Dieu des vivans et des mors , 105
Monarque seul , le fort de tous les fors ,
Fin infynie , en qui le tout a estre ,
Un Dieu que foy donne seul a congnoistre.
Cause je suys premyére en tous effaictz ,
Seul créateur qui sans ayde tout faictz , no
Avant le monde ausy fort et parfaict
Comme en après que le monde fut faict.
Je suys en moy de ma propre puissance ;
La mer , les vens me font obeyssance ;
De mon seul doy je poyse les abismes 115
Et soustiens tout par efaictz altissimes ;
J'enclos le ciel , je mesure et compase
Toute haulteur par ma divine grâce.
C'est moy, c'est moy qui d'un rien ay faict tout
1 16 par efaictz astimes.
Et créé l'homme a mon plaisir et goust ; 120
Et toutefoys , par sa grand forfaicture ,
A obligé a Péché sa Nature ,
Qui gist envers dedens le mortel lict
Ou par la Loy elle seufre conflict.
J'ey entendu par mes divins octroys 125
Le son tremblant de sa piteuse voys ;
Pourtant je veuil , pour la sienne assurance ,
Luy proposer de Grâce l'espoirance.
Amou r
O divin père , en qui fais demourance ,
Comme au soleil faict la claire lumyére , 130
Par ta vertu dont nul n'a connoissance ,
Tu peulx de droict espandre en sufisance
Par desus tous ta bonté cousturayére.
Par toy Nature eust sa forme premyére ;
Tu es son Dieu , son créateur et roy ; 133
Sy la lessoys hors de ta main ariére ,
Peu luy vauldroict faire aucune prière ;
On la leroyt en tourment , et , de foy,
Tu es sa force ; el a fiance a toy ,
Car el ensuyct les promesses divines. 140
Dont , s'il te plaist , père , commande moy
124 el. — 131 n'a jugement.
