LA PROPRIETE DES DRAGONS

(Fol. 276 recto, 2° col.)

Les dragons sont plus grans que toutes autres serpens, et les plus longs. Ainsi le dit Monseigneur sainct Isidore en son XIF livre (2). Les dragons yssent souvant de leurs fousses et se lievent en vollant en aer. Adonc l'aer se trouble, par le desgorgement de leur punaizie de venyn qui ressemble feu et fumee entremeslez, tant est leur punaizie de venyn ardante. En la challeur du soleil ce semble feu; hors soleil ce semble fumee espesse, en facon de chartreux ? (3)

* Qu povoir, puisqu'il n'y avait qu'un méme caractère pour l'u et le v. — ^ Ms. Chasteaux.

442 PROPRIETEZ DES BESTES.

entre blanc et noir. Ceux venyn est si mortel, que si une personne en estoit pollu ou ataint, il luy sem- . bleroit estre en ung feu ardant, et lui enleveroit toute la peau à grosses vessies, comme si la personne estoit eschaudee (4). La mer par leur venyn s'en enfle. Ces dragons sont crestez (5) sur la teste, et n'ont pas si grant bouche comme le serpent cocodrille qui. est fendu jusques aux oreilles (6). Quant ces dragons se enlievent en aer, ilz cifflent et lievent la langue en tirant le vent à eulx, pour admodderer l'ardeur de leur venyn. Ilz ont les dans serrees (7) et agües; touteffoizla force du dragon n'est pas aux dans, mais en la queuhe.

liz n'ont pas tant de venyn comme les autres serpens, selon leur quantite. Et quant ilz veullent tuer une beste ou une personne qu'ilz tiennent en leur voie, ilz la tuent de leur queuhe, et non pas de leur venyn. Il n'ést beste si grant au monde, qu'ilz ne tuent par celle guize.

LA GUERRE MORTELLE ENTRE L'ELEPHANT ET LE DRAGON (8). Les deux plus contraires bestes et- plus granit advérsaires, c'est le dragon et l'elephant, qui à mer:

véilles se heent* l'un l'autre, plus que bestes qui soient au monde, et ont guerre perpetuelle.

* Haissent.

PROPRIETEZ DES BESTES. 443

Le dragon desire la mort de l'elephant, parce que le sang de l'elephant, qui est froit (9), estanche la grant challeur et ardeur du venyn du dragon, en buvant son sang. Par ce, se met le dragon par espie es voyes oü il scet que passent les elephans; et lye de sa queuhe la cuisse de l'elephant, et l'estraint par telle force, qu'il le fait cheoir à terre, et puis le tue.

Ces grands dragons naissent es Indes et en Ethioppye entre les grans ardeurs du soleil, et illec se treuvent.

Le docteur Plinius dit ou ximm* chapitre de son VIIF* livre (10); :

Aussi fait Solynus (11), qui moult bien tractent de la propriete des bestes, et dient que en Ethyoppie ilz ont vingt couldees (12) de long en corps et en queuhe.

Quant le dragon fait son assault sur lelephant, l'elephant frappe du pied, et l'escache ? par sa grand pezanteur.

Quant l'elephant aussi veoit le dragon sur ung arbre, qui le guette au passer (13), il s'en va droit à l'arbre pour tuer le dragon; et le dragon sault sur le dos de l'elephant, etle mort entre les nages (14), puis lui creveles y eulx aucuneffoiz ; apres, s enretourne(15) à la playe qu'il luy a faite, et luy sugce le sang, tant que l'elephant en affoiblist (16) si fort qu'il se laisse

* Ms. VII. — ^ C'est-à-dire l'écrasc.

444 PROPRIETEZ DES BESTES.

cheoir. Et si le dragon n'est abille, quant l'elephant chet, et ne se oste prestement (17), l'elephant tumbe sur luy, qui le tue de sa pezanteur. Ainsi en mourant il tue celuy qui le tue (18).

Monseigneur sainct Jéroisme dit que le dragon a tousiours soif (19), et à paine se peult saouller d'eau, quand il est dedans une riviére. Par ce, a il tousiours la gueulle ouverte en vollant, pour tirer le vent à soy pour reffroidir sa challeur et son ardeur qui l'esmeult à si grant soif.

Quant le dragon voit une nef en la mer, et le vent est fort contre la voille, il se met sur le tref (20) de la nef, pour cuillir le vent pour soy reffroidir. Et est aucuneffoiz le dragon si pezant et si grant, qu'il fait aucuneffoiz verser la nef par sa pezanteur. Mais quant ceulx de la nef le voyent approucher (21), ilz ostent la voille pour eschapper du dangier.

L'infection de ces dragons qui jettent ces fumees desgorgees en aer rend* l'aer si corrompu que plusieurs maladies en adviennent aux gens, et aux bestes non subgettes à venyn.

Ces dragons habitent en mer et en rivieres soubz rocz, aussi bien en terre es grans fosses oü ilz se mussent.

Le dragon dort peu de sa nature, par la grant ardeur du venyn qui le tourmente. Il vit de ce qu'il

* Ms. Rendent.

PROPRIETEZ DES BESTES. 445 puist ravir cà et là sur les bestes et aizeaux , aucuneffoiz sur gens, quant il les rencontre en voye. ἢ ha la veuhe tres agguhe et penetrante, par laquelle il veoit sa proye de loing. ll se combat en mordant, quant il prend sa proye, soit beste, aizeaux ou gens lesqueulx il prant par les yeulx et par le nez.

Aristote dit que le mords du dragon (2); qui est coustumier de manger bestes venymeuzes, comme escroppions et autres bestes envenymées, est si perilleux, que à paine y a il point de remedde. De rechief touttes bestes envenymees. fuyent la greffe du dragon. Quant il va en mer ou en rivieres, tous'poissons lesqueulx il mord en meurent sans remedde.