LA PROPRIETE DU DROMADAIRE

(Folio 308 recto, 2° col.)

Le dromadaire est une beste bien grant, qui tient d'une espesse de chameau, mais corps plus long et coul plus long deux foiz demy, ploye. Si grant est le dromadaire et coul si long, que, en passant par une ville le long des ruhes, il puist veoir par les haultes fenestres des maisons ceulx qui sont à table. Ainsi en a autreffoiz este veu en ce pays, d'aucuns qui en ont admene d'oultre-mer. Les dromadaires ont grant barbe et longue, comme chyevres, et grant poil es genoulz (1), chemynent bien cent milz pour ung jour, qui sont cinquante lieuhes par jour, quant on le vieult diligenter à quelque exploict hastif. On chastre le dromadaire en jeunesse pour estre plus diligent à chemyner. Il va moult grant pas et legierement à grant estendue, parce qu'il est long, gresle, et bien plain de nerfz, qui le fait fort à son mouvement. Mais il est de petite vie (2); car il ne mengenhe que foin, escorce et noyaux de dattes.

908 PROPRIETEZ DES BESTES.

NOTES

(1) Toutes ces premiéres observations appartiennent à l'auteur. C'est seulement depuis là qu'il a eu recours pour le dromadaire au livre des Propriétés.

(2) C'est-à-dire, i! vit de peu. L'auteur a rendu fidèlement

le victus paucitatem de Barthélemy d'Angleterre.

PROPRIETEZ DES BESTES. 909