LA PROPRIETE DE L'OURX

(Folio 309 recto, 2° col.)

Aristote le philozophe souvrain, instructeur du grant roy Alixandre, recite en son VIIT (1) livre de la propriete des bestes, et monseigneur sainct Ysidore (2) pareillement, que l'ourx forme ses faons à la bouche en les lecheant (3). Le docteur Avycene dit aussi que l'ourx met hors ses faons imparfaitz ainsi comme une piece de chair (4), que la mere forme (5) et ordonne en le lescheant de sa langue. La cause de ceste imperfection est parce que la mere le porte trop peu de temps; car elle faonne le xxx* jour (6) apres qu'elle l'a conceu, et met hors ses faons aussi petiz comme une mutoille, que aucuns autrement nomment bellette (7).

L'ourx ha la teste foible, les braz moult fors et les rains aussi, et va aucunneffoiz tout droit sur ses piez de derriere comme ung homme et assez longuement. Le docteur Plinius dit aussi en son VII: livre xxvir* chapitre (8), que les ourx estraingnent moult fort ce qu'ilz tiennent entre leurs braz. Et sont en amours au commancement d'iver. Si ne se coupplent point ensemble comme autres bestes, mais tous droitz (9) et non point à quatre piez. Puis se departent l'un: de l'autre et entrent es cavernes et fousses sepparees

514 PROPRIETEZ DES BESTES.

l'une de l'autre. Et xxx jours apres que la femelle a conceu, ha ses petiz faons; et n'en ha jamais plus de cinq à la foiz, qui sont comme ung loppin de chair blanche, quant ilz naiscent, et sans forme (10) ne semblance d'aucune figure qui soit en eulx. Mais l'ourx ou ourxe les forme en lecheant de sa langue. Quant ilz naiscent, ilz n'ont ne yeulx, ne poil, ne forme, mais bien ont les ongles. Quant les petiz faons ont froit, la mere les estraint entre sa poitraine et ses pattes velues pour les eschauffer.

Sur ce bestail dit le docteur Theophrastus une chouse rmerveilleuse (11) : c'est que la chair de l'ourx cuiste croist quand on la garde; et qui ouvriroit le ventre d'un ourx on n'y trouveroit aucun signe d'humeur, fors que ung peu de viande dedans ses buyaux.

Qu temps nouveau (12) ilz yssent hors de leurs cavernes où ilz ont este tout l'iver; et quant ilz se retirent hors au soleil, 111 lechent tant souvant leurs piez de devant que merveilles. Les ourx masles sont moult gras (13), et ne scet on la cause. Chacun se esmerveille comment ilz sont si gras, sans boire et sans manger tout liver en leurs taynyeres, Quant ilz yssent ou temps nouvéau de leurs cavernes, ilz quyerent une herbe (14) et la mengenhent pour laschier leur ventre qui est trop estrainct par deffault de boire et de mengier. En ce temps nouveau qu'ilz yssent de leurs cavernes Hz ont les yeulx bien troubles par

les tenebres οὰ ilz ont este tout l'iver; et pour esclersir leur veuhe ils quierent mousches à myel et les mengenhent, et en les mangeant, les mousches les poignent et les font saignier. Et par ce sang qui yst à force, leur veuhe se clarifhe. Les ourx ontle cerveau envenyme; par ce ne mangenhent on point de leurs testes.

L'ourx se combat contre le thoreau, et le prant aux dans par les narynnes, et aux cornes (15) de ses pattes, dont il prant toutes chouses comme ung homme, ainsi que fait ung cinge qui tire sur face humaine, tenant condiction de gens humains. Et l'ourx de sa pezanteur l'abbat à terre et le tue. Tl n'est gaires beste plus malicieuze qu'est l'ours, et plus duyt à mal faire. Le grant Aristote dit(16) en son VIIF* livre des bestes, que l'ourx mengenhe et devore toutes chouses, soient bonnes ou mauvaises. Et monte sur les arbres pour manger le fruict. Quant il se combat au cerf, au sanglier ou à autres bestes, il s'en va droit sur les piez comme ung homme, et les prant aux cornes ou par les oreilles, et souvant les surmonte et tue.

L'ourx est ireulx et impatient, qui se vieult vengier de chacun qui le touche. Et s'il fait son assault, il laisse premier sa prinze de celuy qu'il a assailly, puis l'assault au second coup si furieuzement que celuy

* Ms. VI.

516 PROPRIETEZ DES BESTES.

lequel il assault crie moult hault. Quant lourx est prins, on met devant luy ung bassin ardant pour l'aveugler, puis on le lye de chaines; et ainsi le fait on jouher. Touteffoiz, quelque jeu qu'on luy face, ne se puist apprivoizer que par force de batre; et va tousjours entour l'atache où il est atache, comme s'il dancoit. Et sucxe ses piez (17) par grant delice.

Les ourx montent es arbres oà les mousches font le miel, par les desers ou autres lieux oü ilz se tiennent, où ilz sauront que miel aura et residance de mousches. Et si l'ourx scent le miel, il fait ung pertuys en l'arbre à-tout ses ongles et en atrait hors le miel et le mengenhe; et par ce, quant le veneuf scet que l'ourx y vient voulentiers, il fiche ses espieulz agutz et transcheans au pied de l'arbre, tous debout, la pointe contremont*, puis met ung gros maillet au pertuys, atache par le hault, en facon qu'il retourne tousjours à l'endroit, en estouppant^ le pertuis du miel. Et quant l'ourx vient, et veoyt que le maillet l'empesche, il le pousse contremont; puis le maillet retourne, qui le frappe par la teste, qui eschauffe l'ourx à courroux. Ádonc en son ire le reboute encores plus fort; et plus fort revient sur sa teste frapper (18). Et tant contynue lourx ceste bataille que au long aller (19) le maillet l'estonne et l'estourdist, parce quil ha la teste foible. Alors par cest estour-

* En haut. — *Bouchant.

PROPRIETEZ DES BESTES. 517

dissement il chiet à terre sur la pointe de ses espieulz, et s'enferre et tue. Et ainsi est la facon de prandre les ourx (20).

Quant les ourx veulent boire, ilz ne prennent pas l'eau en lecheant. Aussi ne la tirent ilz pas à eulx, comme les beufz ou chevaulx; mais en mordant (21).

NOTES

(1) Aristote n'a pas dit que l'ourse formait ses petits en les léchant. Nous citerons tout à l'heure ses seules assertions au sujet de la naissance de l'ours. Elles se trouvent dans le VI* livre de son histoire des animaux, et non dàus le VIII. Ce chiffre provient peut-être d'une confusion d' Aristote avec Pline, lequel dit en effet dans le VIIF livre de son histoire naturelle, chap. niv (ou xxxvi), en parlant des oursons nouveau-nés: «Hi sunt candida informisque caro, paulo muribus major, sine oculis, sine pilo : ungues tantum pmi: hanc lambendo paulatim figurant. » .

(2) «Ursus fertur dictus quod ore suo formet foetus , quàsi orsus. Nam aiunt eos informes generare partus, et carnem quamdam nasci, quam mater lambendo in membra componit.

Unde est illud :

Sic format lingua fetum, cum protulit, ursa.» Origin. 1. XII, c. 11.

(3) De là l'expression si habituelle, un ours mal léché. La Fontaine a méme dit : à demi léché.

518 PROPRIETEZ DES BESTES.

Certain ours montagnard, ours à demi léché.