THEODOR E DE BEZE

AVX LECTEVRS, SALVT

ennostre Seigneur,

Il y a enuiron deux ans que Dieu m'a fait la grâce d'abandonner le pays auquel il est persécuté, pour le seruir selon sa saincte uolonlé. durant lequel temps, pour ce qu'en mes afflictions, diuerses fantasies se sont présentées à mon esprit, i'ay eu mon recours à la parole du Seigneur : en laquelle i'ay trouué deux choses qui m'ont merueilleusement consolé. L'une est, une infinité de promesses, sorties de la bouche de celui qui est la uerité mesmes, et la parole duquel est tousiours accompagnée de l'efiFect. L'autre est une multitude d'exemples, desquels le moindre est suffîsant non seulement pour enhardir, mais aussi pour rendre inuincibles les plus foi blés et descouragez du monde. Ce que nous noyons aussi estre auenu, si nous considérons par quels moyens la uerité de Dieu a esté maintenue iusques ici. Mais entre tous ceux qui nous sont mis en auant pour exemple au uieil Testament, ie trouue trois personnages ausquels il me semble que le Seigneur a uoulu représenter ses plus grandes merueilles, assauoir, Abraham, Moyse, et David : en la uie desquels si on miroit aujourdhui, on se cognoistroit mieux qu'on ne fait. Lisant donc ces histoire sainctes auec un merueilleux plaisir et sîa-