PROLOG VE

ABRAHAM

SARA

ISAAC

La irouppe des bergers de la maison d'Abraham, diuisee en deux parties.

l'ange.

SATAN

PROLOGVE.

Dieu uous gard' tous, autant gros que menus, Petits et grans, bien soyez-uous uenus.

Long temps y a, au moins comme il me semble, Qu'ici n'y eut autant de peuple ensemble, Que pleust à Dieu que toutes les semaines Nous peussions uoir les Eglises si pleines.

Orça messieurs, et uous dames honnestes, le uous suppli d'entendre mes requestes.

le uous requier uous taire seulement.

Gomment? dira quelcune uoirement, le ne sauroy' ni ne uoudroy' auec.

Or si faut-il pourtant clorre le bec.

Ou uous et moy auons peine perdue, Moy de parler, et uous d'estre uenue.