A TRAGEDIE
le uous requier tant seulement silence, le uous suppir d'ouir en patience.
Petits et grans ie uous diray merueilles :
Tant seulement prestez-moy uos oreilles.
Or donques peuple, escoute un bien grand cas : Tu penses estre au lieu où tu n'es pas.
Plus n'est ici Lausanne, elle est bien loin : Mais toutesfois quand il sera besoin, Chacun pourra, uoire dedans une heure.
Sans nul danger retrouuer sa demeure.
Maintenant donc ici est le pays Des Philisthins. Estes-uous esbahis?
le di bien plus, uoyez-uous bien ce lieu?
C'est la maison d'un seruiteur de Dieu, Dit Abraham, celui mesme duquel Par uiue foy, le nom est immortel.
En cest endroit uous le uerrez tenté.
Et îusqu'au uif atteint et tormenté.
Vous le uerrez par foy îustifié.
Son fils Isaac quasi sacrifié.
Bref, uous uerrez estranges passions :
La chair, le monde et ses affections Non seulement au uif représentées.
Mais qui plus est, par la foy surmontées.
Et qu'ainsi soit, maint loyal personnage En donnera bien tost bon tesmoignage.
Bien tost uerrez Abraham et Sara, Et tost après Isaac sortira :
Ne sont-ils pas tesmoins tresueritables?
Qui ueut donc uoir choses tant admirables»
Nous le prions seulement d'escouter, Et ce qu'il a d'oreilles nous prester, Estant tout seur qu'il entendra merueilles, Et puis après lui rendrons ses oreilles.
ABRAHAM parle sortant de sa maison.
Depuis* que i'ay mon pays délaissé,
El de courir ça et là n'ay cessé,
Helàs mon Dieu, est il encor' un homme.
Qui ait porté de trauaux telle somme?
Depuis le temps que tu m'as relire
Hors du pays où tu n'es adoré,
Helas mon Dieu, est-il encor' un homme,
Qui ait receu de biens si grande somme?
Voila comment par les calamitez.
Tu fais cognoistre aux hommes les bontez.
Et tout ainsi que tu fis tout de rien.
Ainsi fais tu sortir du mal le bien,
Ne pouuant l'homme à l'heure d'un grand heur
Assez à clair cognoistre ta grandeur.
Làs i'ay uescu septante et cinq années,
Suiuant le cours de tes prédestinées,
Qui ont uoulu que prinse ma naissance
D'une maison riche par suffisance.
Mais quel bien peut l'homme de bien auoir.
S'il est contraint, contraint, di-je, de uoir
En lieu de toy, qui terre et cieux as faits.
Craindre et seruir mille dieux contrefaits?
Oi* donc sortir tu me fis de ces lieux,
Laisser mes biens, mes parents et leurs dieux,
i6 TRAGEDIE
Incontinent que i'eu ouy ta uoix.
Mesmes tu sais que point ie ne sauois En quel endroit tu me uoulois conduire :
Mais qui te suit, n^on Dieu, il peut bien dire Qu'il ua tout droit : et tenant ceste uoye, Craindre ne doit que iamais il fouruoye.
SARA sortant d'vne mesme maison.
Apres auoir pensé et repensé Combien i'ay eu de biens le temps passé.
De toi, mon Dieu, qui tousiours as uoulu Garder mon cœur et mon corps impollu :
Puis m'as donné, en suiuant ta promesse, Cest heureux nom de mère en ma uieillesse :
En mon esprit suis tellement rauie.
Que ie ne puis, comme i'ay bonne enuie, A toy mon Dieu faire recognoissance Du moindre bien dont i'aye îouyssance :
Si ueux-îe au moins, puis qu'ù Tescart ie suis,. Te mercier. Seigneur comme ie puis.
Mais n'est-ce pas mon Seigneur que ie uoy?
Si le pensoy'-ie estre plus loin de moy.
ABRAHAM
Sara, Sara, ce bon uouloir ie loue, Et n'as rien dit que tresbien ie n'aduoue.
Approche- toy, et tous deux en ce lieu Recognoissons les grans bten-faicts de Dieu, Commune en est à deux la iouissance, Commune en soit ù deux la cognoissance.
SARA
Hà mon seigneur, que sauroy'-ie mieux faire.
Que d'essayer tousiours à uous complaire Pour cela suis-ie en ce monde ordonnée.
Et puis, comment saurait-on sa ioumee Mieux employer qu'à chanter l'excellence De ce grand Dieu, dont la magnificence El haut et bas se présente à nos yeux?
ABRAHAM
L'homme pour uray ne sauroit faire mieux, Que de chanter du Seigneur l'excellence :
Car il ne peut, pour toute recompense Des biens qu'il a par lui iournellement, Rien luy payer qu'honneur tant seulement.
