A MONSEIGNEVR

LE DVC

DE VANDOSME

ONSEIGNEVR,

Le decez n'agUeres aduenu de Nostre Sainct Père le Pape Clément VIII . m'a donné sujet et occasion pendant la vacance, de rechercher plus particulièrement ce qui estoit de l'Election des Papes, et des formes d'y procéder, tant anciennes que modernes. Estimant n'estre chose conuenable de s'adonner tant à la r6cherche des moindres antiquitez estrangeres, comme font aucuns, y employans tout leur

estude, qu*on ignore ce qui est de nostre temps, et autres choses qui nous appartiennent et nous touchent de plus prés. l'en ay donc fait vn petit recueil, en intention seulement que ce fustpour mon particulier , afin d'y auoir recours au défaut de ma mémoire à Vaduenir. Mais mon deuoir, pour l'honneur que me faites de vous enquérir de mes estudes et d'en auoir soin, m' ayant obligé de vous en donner aduis, non seulement vous l'auez désiré voir, comme est vostre affection incroyable de toujours entendre et connoistre toutes choses louables et honnestes, auec un esprit et courage qui surpasse vos, ans : mais aussi l'ayant veu, auez trouué bon qu'il fust imprimé et publié. Ne venant point mal à propos à la suite de Rome, que ie vous ay cy-deuant présentée réduite au petit pied[, selon la proportion de mon âge de quatorze ans. Ce sera donc à vous, Monseigneur, que ceux, qui voyans ce Traicté y prendront quelque contentement, ensçauront le gré:

Comme aussi ceux qui par vne façon fastueuse, mesprisent et desdaignent tout, sinon ce quHls font eux-mesmes, auront à faire contre vous, et non contre moy, qui nefay que vous obeïr et suiure vostre volonté comme ie doy; n'ayant autre dessein que de faire paroistre en toutes sortes que ie suis.