DV PROGNOSTIC DE LEPRE
La lepre est une maladie hercditaire {,et contagieuse, quasi comme la peste, et du tout incurable, comme aussi souuent est la peste, Ceste contagion est si grande qu’elle vient aux enfans des enfans, et encore plus loing, de quoy l'experience fait foy.
Or elle est incurable, parce que (comme nous auons dit) c’est vn chancre vniuersel de tout le corps : car si vn chancre qui esten vne seule partie diceluy ne reçoit aucune curation, comment se pourra guerir celuy qui occupe vniuersellement tout le corps?
Aussi elle ne se peut guerir, parce que le mal est plus grand que remede aucun qu’on ait iusques à present peu trouuer et inuenter.
Outre-plus il faut estimer que, lors que les signes apparoiïssent au dehors, le commencement est long temps auparauant au dedans, à raison qu’elle se fait tousiours plustost aux parties interieures qu’exterieures: toutesfois aucuns ont la face belle, ‘et le cuir poliet lissé, ne donnant aucun indice de lepre par dehors, comme sont les ladres blancs?, appellés Cachots, Cagots et Capots, que l’on trouue en basse Bretagne et en Guyenne vers
1 L'édition de 1568 ajoutait ici entre parenthèses : (comme nous auons par cydeuant declaré.)
2 L'édition de 1568 portait :
«comme sont les ladres blancs, appelés cachos, que lon trouue en basse Bretagne, et plusieurs autres lieux, qui m’est vne chose indicible. »
Le texte actuel et le reste du paragraphe sont de 1575.
Bordeaux, où ils les appellent Gabets, és visages desquels bien que peu ou point des signes sus allegués apparoissent, si est-ce que telle ardeur et chaleur estrange leur sort du corps, ce que par experience j'ay veu : quelquesfois l’vn d'iceux tenant en sa maison lespace d’vne heure vne pomme fraische,icelle aprés apparoissoit aussi aride et ridée , que si elle eust esté l’espace de huit iours au soleil. Or tels ladres sont blancs et beaux, quasi comme le reste des hommes, à cause que leur ladrerie consisle en matiere piluiteuse, laquelle reseichée par adustion, est faite atrabilaire : si que retenant tousiours sa couleur blancheastre, apporte toutesfois tels inconueniens aux actions de ceux qu’elle possede, quels nous auons cy dessus mentionnés des vrais ladres et descouuerts.
D'auantage, on voit qu’en ceste maladie les trois verlus et facultés du corps sont corrompues et viciées : car premierement l’animale procedente du cerueau est alterée et changée :
ce quiest conneu par les imaginations et songes terribles etespouuentables, et par la difficulté du sentiment et mouuement qu'ont les malades : la corruption de la vitale est aussi conneuë par la voix, et difficulté d’haleine, et puanteur d'icelle, et par le pouls tardif et depraué: le vice de la naturelle se connoist, par ce que le foye ne fait sa sanguification, et par les excremens de tout le corps procedans du foye : parquoy nous pouuons conclure que les trois membres principaux patissent en la lepre.
