CHAPITRE VI

L'OPINION D'AVCVNS REPROVVÉE.

Ceux errent grandement, qui disent que le venin des bestes venimeuses est froid, parce que ceux qui en sont mordus, ou piqués, subit deuiennent froids, et que les serpens (comme craignans le froid quand l’hyuer s'approche) se cachent és cauernes sous terre, ou sous les pierres, qui est le naturel des viperes, où quelquesfois on les trouue si surprises de froid, qu’elles demeurent toutes amorties et immobiles, comme si elles estoient gelées. Or veritablement la froideur de ceux qui en sont mordus

des accidens qui aduiennent : car tantost les malades ont froid, tantost chaud, en sorte qu’on voit grande diuersité des mouvemens de nature : aussi aucuns font mourir promptement, les autres lentement : qui se fait pour la diuersité du venin, dequoy on ne peut bien rendre raison. Les anciens ont nommé vne vertu occulte, ou cachée, celle de laquelle nous ne pouuons rendre les raisons naturelles , mais sont cogneues par la seule experience, laquelle ferme le pas à toutes les raisons, depuis que legitimement elle apparoist, »

DES VENINS

ou piqués, ne procede pas de la froideur du venin: mais de ce que la chaleur naturelle se retire des parties exterieures aux interieures, pour secourir le cœur, et aussi qu’elle est surmontée et esteinte par le venin. Et pe faut conclure que tous serpens soient froids, parce qu’on les trouue en hyuer en leurs trous, tous comme immobiles, et comme morts: cela ne procede sinon que leur chaleur naturelle est retirée en leur ventre, pour resister à l’air ambiens qui est froid.