DES VENINS EN PARTICVLIER

Aprés auoir discouru sommairement des choses vniuerselles des venins, maintenant il nous faut venir aux particulieres, commençans à l'air, puis aux morsures et piqueures et esgraligneures des bestes venimeuses, puis aux plantes et mineraux,.

Les bestes venimeuses sont aspics, crapaux, viperes, dragons, scorpions, liéures marins, pastenaques , viues, torpedes, araignées, cantharides, buprestes , chenilles de pin, sangsues, et infinité d’autres. Or lesdites bestes ne tuent passeulement par leurs piqueures et morsures ou esgratigneures, mais aussi par leur baue, haleine, escume, regard, cry et sifflement , veuê, et par leurs autres excremens.

Aussi celles qui sont mortes d'elles mesmes, ou pour peste, ou fouldre, ou rage.

IL y a aussi des venins artificiels, et si cruels, que si on en met sur vneselle de cheual, font mourir celu y quiaura esté quelque temps dessus : et autres, que si on en frotte lesestriers, percent les bottes de ceux qui ont les pieds dedans! : desquels venins les Turcs et autres Barbares vsent souuent en leurs flecheset dards, pour faire mourir leurs ennemis , el les cerfs et autres bestes sauuages qui en sont frappées : qui est vne chose difficile à croire, veu que le venin appliqué à la selle et aux estriers n’a touché à la chair nue : toutesfois cela se peut faire : car pour toucher les rets où sera prins le poisson nommé Torpede,

1 Mathiole, — À, P,

les mains demeurent stupides, et fait mourir l’homme, comme auons dit cy dessus, Ainsi Le basilic par son seul regard ét par son cry fait moutir les hommes , et tue toutes autres bestes venimeuses qui sont prés où il fait sa demeure. Je diraÿy d’auantage que le meilleur vin est poison , parce qu'il oste Le sens et entendement , et suffoque : et semblablement toutes autres bonnes viandes, lorsqu'on en prend en trop grande quantilé.